យោងតាមការចុះផ្សាយរបស់សារព័ត៌មាន VNexpress បានឱ្យដឹងថា ក្នុងរយៈពេល ៣ខែដំបូងនៃឆ្នាំ២០២៣ ម៉ូតូជាង ៦៣៤,០០០គ្រឿង ត្រូវបានលក់នៅក្នុងប្រទេសវៀតណាម ដែលនេះមានន័យថា ម៉ូតូចំនួន ៥គ្រឿងត្រូវបានលក់ជារៀងរាល់នាទី។ ទោះជាយ៉ាងណាក្ដី តួលេខនេះបានធ្លាក់ចុះជិត ១៦% ធៀបនឹងរយៈពេលពីមួយឆ្នាំទៅមួយឆ្នាំ បើយោងទៅតាម សមាគមន៍ក្រុមហ៊ុនផលិតម៉ូតូវៀតណាម។

សមាគមន៍ក្រុមហ៊ុនផលិតម៉ូតូវៀតណាម ដែលរួមមាន Honda, Yamaha, Piaggio, Suzuki និង SYM បានបញ្ជាក់ថា តួលេខ​លក់ម៉ូតូ​មានចំនួន ៧.៣ ដង​នៃ​រថយន្ត ដែល​នេះបង្ហាញ​ថា ម៉ូតូនៅ​តែ​ជា​មធ្យោបាយ​ដឹក​ជញ្ជូន​ដ៏​លេចធ្លោនៅក្នុង ​ប្រទេស​វៀតណាម។ គួរបញ្ជាក់ផងដែរថា ក្នុង​តំបន់​អាស៊ាន វៀតណាម​ជាប់​ចំណាត់​ថ្នាក់​លេខ​ពីរ​ បន្ទាប់​ពី​ប្រទេស​ឥណ្ឌូនេស៊ី ​ក្នុង​ការ​លក់​ម៉ូតូ​ជាមួយ​ក្រុមហ៊ុន Honda ដែល​មាន​ចំណែក​ទីផ្សារ​ប្រហែល ៨០%៕

អត្ថបទ៖ លីនី
ប្រភព៖ vnexpress