ក្នុងខែដំបូងនៃឆ្នាំ២០២៣ គ្រឹះស្ថានអង្គរ រកចំណូលបានជាង ៣លានដុល្លារ ពីការលក់សំបុត្រចូលទស្សនាអង្គរ ហើយបានកើនឡើង ២០ដង បើធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមសេចក្ដីប្រកាសរបស់គ្រឺះស្ថានអង្គរ កាលពីថ្ងៃទី០១ ខែកុម្ភៈ ឆ្នាំ២០២៣។

តាមប្រភពដដែល ក្នុងខែមករា ឆ្នាំ២០២៣ ចំនួនភ្ញៀវទេសចរអន្តរជាតិចំនួន ៧៧,៤៣៦នាក់ បានទិញបណ្ណចូលទស្សនារមណីយដ្ឋានអង្គរ កើនឡើង ១៦៧៦,៤៦% ធៀបនឹងខែមករា ឆ្នាំ២០២២។​ ជាមួយគ្នានេះ ចំណូលពីការលក់បណ្ណមានចំនួន ៣,៦៤៣,៤៩៧ កើនឡើង ១៩៤០,៩៥% បើធៀបនឹងខែមករា ឆ្នាំមុន៕

អត្ថបទ៖ លីនី