(អង់គ្លេស)៖ បើតាមរយៈលោក Kwazi Kvarteng រដ្ឋមន្ត្រីក្រសួងហិរញ្ញវត្ថុរបស់អង់គ្លេសកាលពីម្សិលមិញ គាត់នឹងមិនដកពិដានពន្ធលើប្រាក់ចំណូល ៤៥% ដែលជាអត្រាខ្ពស់បំផុតដែលបានបង់លើអ្នកដែលមានប្រាក់ចំណូលលើសពី ១៥០,០០០ផោន ក្នុងមួយឆ្នាំដូចដែលបានប្រកាសកាលពីថ្ងៃទី ២៣ ខែកញ្ញា ដោយកំពុងតែស្ថិតក្នុងការពិចារណា និងការផ្តល់មតិយោបល់បន្ថែម។ រដ្ឋមន្ត្រីក្រសួងហិរញ្ញវត្ថុរូបនេះ ក៏បាននិយាយបន្តថា រដ្ឋាភិបាលស្តាប់សំឡេងប្រជាជន ហើយវាច្បាស់ណាស់ ការលុបចោលនេះបានបង្វែរចេញពីកិច្ចការសំខាន់ក្នុងការដោះស្រាយបញ្ហាដែលប្រទេសកំពុងប្រឈមមុខ។ ទោះជាយ៉ាងណាក៏ដោយ រដ្ឋាភិបាលនៅតែប្តេជ្ញាចិត្តចំពោះគោលនយោបាយពន្ធផ្សេងៗទៀត ដូចជាការកាត់បន្ថយពន្ធលើប្រាក់ចំណូលតាមអត្រាមូលដ្ឋាននៅឆ្នាំក្រោយ ដោយការលុបចោលការដំឡើងពន្ធសាជីវកម្មដែលប្រកាសដោយរដ្ឋាភិបាលមុន។
គួរបញ្ជាក់អោយដឹងផងដែរថា បន្ទាប់ពីចូលកាន់តំណែងមិនដល់មួយខែមកនេះ លោកស្រីនាយករដ្ឋមន្ត្រីអង់គ្លេស Truss បានសន្យាថានឹងផ្លាស់ប្តូរយ៉ាងធ្ងន់ធ្ងរនូវសេដ្ឋកិច្ចរបស់ចក្រភពអង់គ្លេស ដើម្បីបញ្ចប់ភាពជាប់គាំងដែលបានបន្តអស់រយៈពេលជាច្រើនឆ្នាំ ប៉ុន្តែការប្រកាសរបស់រដ្ឋាភិបាលអំពីវិធានការជំរុញសេដ្ឋកិច្ចនៅថ្ងៃទី ២៣ ខែកញ្ញា ដែលរួមមានការកាត់បន្ថយពន្ធចំនួន ៤៥ ពាន់លានផោន និងវិធានការខ្ចីប្រាក់របស់រដ្ឋាភិបាល ជាលទ្ធផល ប្រាក់ផោនបានធ្លាក់ចុះដល់កម្រិតទាបបំផុតធៀបនឹងប្រាក់ដុល្លារអាមេរិក៕
អត្ថបទ៖ Bee
ប្រភព៖ BBC