ដំណឹងល្អដើមខែថ្មី! រដ្ឋបាលរាជធានីភ្នំពេញ សម្ពោធដាក់ឱ្យប្រើប្រាស់ផ្លូវលេខ ១០៨០ ចាប់ពីមហាវិថីឈ្នះឈ្នះ ដល់ផ្លូវលេខ៤២ និងប្រកាសបើកការដ្ឋានស្ថាបនាផ្លូវថ្មីមួយខ្សែទៀត

សេដ្ឋកិច្ច June 1, 2022 Khmernote

យោងតាមការចុះផ្សាយរបស់រដ្ឋបាលរាជធានីភ្នំពេញនៅថ្ងៃទី០១ ខែមិថុនា ឆ្នាំ២០២២ នេះ រដ្ឋបាលរាជធានីភ្នំពេញបាន សម្ពោធដាក់ឱ្យប្រើប្រាស់ផ្លូវលេខ១០៨០ ចាប់ពីមហាវិថី ឈ្នះ ឈ្នះ ដល់ផ្លូវលេខ៤២ ស្ថិតនៅសង្កាត់សំរោងក្រោម ខណ្ឌពោធិ៍សែនជ័យ សង្កាត់ស្នោរ ខណ្ឌកំបូល និងសង្កាត់ពន្សាំង ខណ្ឌព្រែកព្នៅ រាជធានីភ្នំពេញ ដែលមានប្រវែង៦.៤៩០ម៉្រែត ទទឹង១២ម៉ែត្រ។

ក្នុងឱកាសនោះដែរ រដ្ឋបាលរាជធានីភ្នំពេញក៏បាន ប្រកាសបើកការដ្ឋានស្ថាបនាផ្លូវមួយខ្សែថ្មីប្រវែង ១.៥០០ម៉្រែត ទទឹង១២ម៉្រែត ចាប់ពីចំនុចស្ពានវត្តភ្នៀត ស្ថិតនៅសង្កាត់ស្នោរ ខណ្ឌកំបូល រាជធានីភ្នំពេញ ក្រោមអធិបតីភាព ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ៕

អត្ថបទ៖ លីនី