ប្រធានាធិបតីរុស្ស៊ី លោក វ្ល៉ាឌីមៀ ពូទីន កំពុងទាមទារឱ្យអ្នកទិញបរទេសបង់ប្រាក់ សម្រាប់ឧស្ម័នរុស្ស៊ីគិតជាប្រាក់ “រូប” ចាប់ពីថ្ងៃ (៣១ មីនា) តទៅ ឬ ក្នុងករណីផ្សេងទៀតដែលត្រូវកាត់បន្ថយការផ្គត់ផ្គង់។ ការផ្លាស់ប្ដូរនេះ រដ្ឋធានីអឺរ៉ុបបានច្រានចោល ហើយទីក្រុងប៊ែរឡាំងបាននិយាយថា វាស្មើនឹង “ការបង្ខូចកេរ្តិ៍ឈ្មោះ”។

ចំណាត់ការរបស់លោក ពូទីន តាមរយៈក្រឹត្យមួយដែលបានចុះហត្ថលេខាកាលពីថ្ងៃព្រហស្បតិ៍ ធ្វើឱ្យអឺរ៉ុបប្រឈមមុខនឹងការរំពឹងទុកនៃការបាត់បង់ការផ្គត់ផ្គង់ឧស្ម័នច្រើនជាងមួយភាគបី។ ប្រទេសអាឡឺម៉ង់ ដែលជាប្រទេសពឹងផ្អែកខ្លាំងបំផុតលើរុស្សី បានដាក់ដំណើរការផែនការគ្រាអាសន្ន ដែលអាចនាំទៅដល់ការរៃអង្គាសប្រាក់នៅក្នុងសេដ្ឋកិច្ចធំបំផុតរបស់អឺរ៉ុប។

ប្រធានាធិបតីរុស្ស៊ី បាននិយាយថាអ្នកទិញឧស្ម័នរុស្ស៊ី “ត្រូវតែបើកគណនីប្រាក់ “រូប” នៅក្នុងធនាគាររុស្ស៊ី។ គណនីដែលបានទូទាត់នឹងត្រូវធ្វើឡើងសម្រាប់ការចែកចាយឧស្ម័នចាប់ផ្តើមពីថ្ងៃទី១ ខែមេសា ទៅ “។ ជាមួយគ្នានេះ លោកបានបន្តថា “ប្រសិនបើការទូទាត់បែបនេះមិនត្រូវបានធ្វើឡើងទេ យើងនឹងចាត់ទុកថានេះជាកំហុសរបស់អ្នកទិញ ជាមួយនឹងផលវិបាកដែលកើតឡើង។ គ្មាននរណាម្នាក់លក់អ្វីឱ្យយើងដោយឥតគិតថ្លៃនោះទេ ហើយយើងក៏នឹងមិនធ្វើសប្បុរសធម៌ផងដែរ – ពោលគឺកិច្ចសន្យាដែលមានស្រាប់នឹងត្រូវបានបញ្ឃប់”។

គួរបញ្ជាក់ផងដែរថា ការនាំចេញថាមពលគឺជាមធ្យោបាយដ៏មានឥទ្ធិពលបំផុតរបស់លោកពូទីន ខណៈដែលលោកព្យាយាមវាយបកប្រឆាំងនឹងការដាក់ទណ្ឌកម្មរបស់លោកខាងលិចដែលដាក់លើធនាគាររុស្ស៊ី ក្រុមហ៊ុនពាណិជ្ជករ និងសហការីនៃវិមានក្រឹមឡាំង ដើម្បីឆ្លើយតបទៅនឹងការឈ្លានពានរបស់រុស្ស៊ីលើអ៊ុយក្រែន។

ជាមួយគ្នានេះដែរ ការសម្រេចចិត្តរបស់ពូទីនក្នុងការអនុវត្តការទូទាត់ប្រាក់ “រូប” បានជំរុញរូបិយប័ណ្ណរុស្ស៊ីដែលបានធ្លាក់ចុះដល់កម្រិតទាបមិនធ្លាប់មាន បន្ទាប់ពីការលុកលុយកាលពីថ្ងៃទី២៤ ខែកុម្ភៈ។ ហើយចាប់តាំងពីពេលនោះមក ប្រាក់ “រូប” បានឡើងដល់កម្រិតធម្មតាវិញ ហើយទូទាត់ការខាតបង់បានយ៉ាងច្រើន៕

អត្ថបទ៖ លីនី
ប្រភព៖ channelnewsasia