យោងតាមការចុះផ្សាយរបស់សារព័ត៌មាន The Nation បានឱ្យដឹងថា ប៉ុស្តិ៍ត្រួតពិនិត្យផ្លូវដែក Pingxiang នឹងបើកចាប់ពីថ្ងៃទី០៤ ដល់ថ្ងៃទី១៧ ខែមករា ដើម្បីអនុញ្ញាតឱ្យផ្លែឈើថៃចំនួនច្រើនដែលជាប់គាំងនៅ Dongxing ចូលទៅក្នុងប្រទេសចិន។ អ្នកនាំចេញមានពេលរហូតដល់ថ្ងៃអង្គារ ដើម្បីផ្លាស់ប្តូរវិញ្ញាបនបត្រអនាម័យរបស់ពួកគេ បន្ទាប់ពីនោះផ្លែឈើអាចឆ្លងកាត់ការបោសសំអាតគយនៅច្រកឆ្លងកាត់ Pingxiang មុនពេលចូលប្រទេសចិន។

យោងតាមនាយកដ្ឋានកសិកម្ម ប្រទេសថៃបាននាំចេញផ្លែឈើជាង ២លានតោន ដែលមានតម្លៃ ១៤៨ពាន់លានបាតក្នុងរយៈពេល ១០ខែដំបូងនៃឆ្នាំ២០២១។ ផ្លែឈើកំពូលទាំងបីដែលនាំចេញទៅប្រទេសចិនរួមមាន៖ ទុរេន មៀន និងដូងខ្ចី ប៉ុន្តែការនាំចេញជាច្រើនបានជាប់គាំងនៅព្រំដែន ដោយសារច្បាប់បោសសំអាតថ្មីដែលបានណែនាំកាលពីចុងឆ្នាំមុន៕

អត្ថបទ៖ លីនី
ប្រភព៖ nationthailand