យោងតាមការចុះផ្សាយរបស់សារព័ត៌មាន NHK បានឱ្យដឹងថា តម្លៃទំនិញប្រើប្រាស់នៅសហរដ្ឋអាមេរិកបានកើនឡើងក្នុងល្បឿនលឿនបំផុតមិនធ្លាប់មានក្នុងរយៈពេលជាង ៣០ ឆ្នាំ។ មន្ត្រីនាយកដ្ឋានការងារបានរាយការណ៍កាលពីថ្ងៃពុធថា សន្ទស្សន៍តម្លៃទំនិញប្រើប្រាស់ក្នុងខែតុលាបានកើនឡើង ៦.២% ក្នុងរយៈពេល ១២ខែមុន។
ជាមួយគ្នានេះដែរ សន្ទស្សន៍វាស់វែងលើអ្វីដែលមនុស្សចំណាយសម្រាប់ទំនិញ និងសេវាកម្មបានឱ្យដឹងថា អ្នកប្រើប្រាស់ត្រូវចំណាយប្រាក់ច្រើនជាងកាលពីមុន សម្រាប់ថ្លៃជួល គ្រឿងទេស ប្រេងសាំង និងរបស់របរផ្សេងទៀត។ នៅក្នុងអំឡុងពេលជំងឺរាតត្បាតប្រជាជនអាមេរិកបានបង្កើនការសន្សំសំចៃរបស់ពួកគេ ខណៈតម្រូវការនៃការចំណាយមានកាន់តែច្រើន។
គួរឱ្យដឹងថា ភាពច្របូកច្របល់ជាច្រើនរួមមាន ការផ្គត់ផ្គង់មិនគ្រប់គ្រាន់តាមតម្រូវការ ការខ្វះអ្នកដឹកជញ្ជូន នៅក្នុងខ្សែសង្វាក់ផ្គត់ផ្គង់កំពុងជំរុញឱ្យតម្លៃទំនិញកាន់តែកើនឡើង៕
អត្ថបទ៖ លីនី
ប្រភព៖ nhk