ក្រុមប្រឹក្សាអភិវឌ្ឍន៍សេដ្ឋកិច្ចនិងសង្គមជាតិ (NESDC) បានព្រមានថា ភាពអត់ការងារធ្វើនៅក្នុងប្រទេសថៃទំនងជានឹងកើនឡើងនៅឆ្នាំនេះ ដោយសារតែផលប៉ះពាល់ធ្ងន់ធ្ងរដោយរលកទី ៣ នៃវីរុស Covid-19។ លោក Danucha Pichayanan អគ្គលេខាធិការ NESDC មានប្រសាសន៍ថា រលកទី៣ នៃជំងឺរាតត្បាតនេះ ទំនងជាការអូសបន្លាយពេលយូរ និងរារាំងសេដ្ឋកិច្ចមិនឱ្យឈានដល់គោលដៅដោយសារ តែសកម្មភាពធ្លាក់ចុះ។

លោក Danucha បានមានប្រសាសន៍ថា៖ “កម្មករនៅក្នុងសហគ្រាសខ្នាតតូច និងមធ្យម (MSMEs) អាចជួបប្រទះនូវការបាត់បង់ច្រើនបំផុត ឬ ត្រូវកាត់បន្ថយម៉ោងធ្វើការដោយសារអាជីវកម្មទាំងនេះ បានរងផលប៉ះពាល់ខ្លាំងចាប់តាំងពីឆ្នាំមុន។ យ៉ាងណាមិញប្រសិនបើការផ្ទុះឡើងមិនត្រូវបានទប់ស្កាត់យ៉ាងឆាប់រហ័សនោះ អាជីវកម្មទាំងនេះអាចនឹងមិនអាចបន្តប្រតិបត្តិការបានទេ ដែលជាលទ្ធផលការបញ្ឈប់និយោជិកជាអចិន្ត្រៃយ៍ និងពន្យារពេលការងើបឡើងវិញ” ។

ទន្ទឹមនឹងនោះ លោក Danucha ក៏បាននិយាយផងដែរថា កម្មករនៅក្នុងឧស្សាហកម្មទេសចរណ៍ក៏នឹងត្រូវបញ្ឈប់ពីការងារផងដែរ។ លោកបានលើកឡើងពីមជ្ឈមណ្ឌលស្រាវជ្រាវទីផ្សារទេសចរណ៍នៃ TAT ដោយព្យាករណ៍ថា វិស័យទេសចរណ៍ទំនងជានឹងវិលមករកភាពប្រក្រតីវិញនៅឆ្នាំ ២០២៦ ។ ប្រសិនបើកម្មករត្រូវបានបញ្ឈប់ពីការងារ ពួកគេនឹងមិនអាចវិលត្រឡប់ទៅធ្វើការក្នុងវិស័យតែមួយបានទេក្នុងពេលដ៏ខ្លីខាងមុខនេះ ហើយប្រហែលជាត្រូវផ្លាស់ប្តូរអាជីពរបស់ពួកគេទាំងអស់គ្នា។

ជាងនេះទៅទៀតលោកក៏បានព្រមានផងដែរថា ប្រហែលជាមិនមានការបើកការងារបានគ្រប់គ្រាន់ទេ ដើម្បីទទួលនិស្សិតបញ្ចប់ការសិក្សាថ្មីៗ។ ជាមួយនឹងសេដ្ឋកិច្ចដែលកំពុងរីកចម្រើនក្នុងអត្រាទាបជាងការរំពឹងទុក សហគ្រិននឹងពន្យារពេលជួលបុគ្គលិកថ្មី ហើយនេះនឹងប៉ះពាល់ដល់និស្សិតបញ្ចប់ការសិក្សាថ្មីចំនួន ៤៩០,០០០ នាក់។ ទន្ទឹមនឹងនេះកម្មវិធីបញ្ចប់ការសិក្សានិងកម្មវិធីកម្មករកាលពីឆ្នាំមុនក្រោមក្រឹត្យប្រាក់កម្ចីដែលមានរយៈពេលការងារ ១២ខែ កំពុងឈានដល់ទីបញ្ចប់ហើយបញ្ហានេះអាចប៉ះពាល់ដល់កម្មករប្រមាណ ១៤ ម៉ឺននាក់។

លោក Danucha បានបន្តទៀតថា គុណភាពជីវិតរបស់កម្មករនឹងរងផលប៉ះពាល់ផងដែរដោយសារម៉ោងធ្វើការរបស់ពួកគេត្រូវបានកាត់បន្ថយរយៈពេល ៦ ត្រីមាសជាប់គ្នា។ អ្នកដែលអត់ការងារធ្វើដោយសារវីរុស Covid-19 ទំនងជាអ្នកអត់ការងារធ្វើក្នុងរយៈពេលវែង។

គួរបញ្ជាក់ផងដែរថា ចាប់តាំងពីការផ្ទុះឡើងបានចាប់ផ្តើមក្នុងឆ្នាំ ២០២០ កម្មករផ្លូវការដែលបានបញ្ឈប់ការងារជាច្រើនបានក្លាយជាកម្មករក្រៅផ្លូវការដែលជាក្រុមមួយដែលមិនបានការពារ និងមិនស្ថិតនៅក្រោមប្រព័ន្ធសន្តិសុខសង្គម។ (NESDC) បានរាយការណ៍នៅថ្ងៃទី ២៤ ខែឧសភានេះថា អត្រាគ្មានការងារធ្វើបានឈានដល់កម្រិតខ្ពស់បំផុតក្នុងរយៈពេល ១២ឆ្នាំនៅក្នុងត្រីមាសទី ១ នៃឆ្នាំនេះដោយសាររលកថ្មីៗនៃការផ្ទុះឡើងនៃ Covid-19៕

អត្ថបទ៖ លីនី
ប្រភព៖ vietnamplus