ប្រធានាធិបតីចិនលោក Xi Jinping កាលពីថ្ងៃសុក្របានសន្យាផ្តល់ជំនួយចំនួន ៣ពាន់លានដុល្លារក្នុងរយៈពេល ៣ ឆ្នាំខាងមុខដើម្បីជួយប្រទេសកំពុងអភិវឌ្ឍន៍ឱ្យងើបឡើងវិញ ពីជំងឺរាតត្បាត​ Covid-19 និងស្នើឱ្យបង្កើតវេទិកាអន្តរជាតិស្តីពីកិច្ចសហប្រតិបត្តិការវ៉ាក់សាំង។

លោក Xi បានថ្លែងនៅក្នុងកិច្ចប្រជុំកំពូលស្តីពីសុខភាពសកល G20 តាមរយៈវីដេអូពីទីក្រុងប៉េកាំងថា វេទិកានេះនឹង “ សម្រាប់ប្រទេសកំពុងអភិវឌ្ឍន៍និងផលិតវ៉ាក់សាំង រួមទាំងអ្នកពាក់ព័ន្ធដទៃទៀត ដើម្បីរិះរកវិធីនៃការជំរុញការចែកចាយវ៉ាក់សាំងដោយយុត្តិធម៌និងស្មើភាពគ្នានៅជុំវិញពិភពលោក” ។ មានវ៉ាក់សាំងច្រើនសំរាប់ប្រទេសកំពុងអភិវឌ្ឍន៍។

កិច្ចប្រជុំកំពូលនេះត្រូវបានរៀបចំឡើងដោយប្រទេសអ៊ីតាលីដែលជាអ្នកកាន់តំណែងប្រធានាធិបតីនៃក្រុមប្រទេស G20 ក្នុងភាពជាដៃគូជាមួយគណៈកម្មការអឺរ៉ុប។ ក្នុងនោះលោក Xi បាននិយាយថា ជំងឺរាតត្បាត Covid-19 គឺជាការធ្វើតេស្តដ៏ទូលំទូលាយនៃប្រព័ន្ធអភិបាលកិច្ចសុខភាពពិភពលោក ដោយអំពាវនាវឱ្យមានការធ្វើឱ្យប្រសើរឡើងនូវប្រព័ន្ធការពារ និងគ្រប់គ្រងជំងឺពិភពលោក។

ជាមួយគ្នានេះដែរ លោកក៏បានជម្រុញកិច្ចខិតខំប្រឹងប្រែងដើម្បីពង្រឹងសមត្ថភាពក្នុងទិដ្ឋភាពចំនួន ៥ រួមមាន៖ ការត្រួតពិនិត្យ ការព្រមាននិងការឆ្លើយតបជាបន្ទាន់ ការព្យាបាលជំងឺរាតត្បាតធំៗ ទុនបំរុងយថាភាពនិងភ័ស្តុភារ ប្រយុទ្ធប្រឆាំងនឹងព័ត៌មានមិនពិត; និងផ្តល់ការគាំទ្រដល់ប្រទេសកំពុងអភិវឌ្ឍន៍។

គួរបញ្ជាក់ផងដែរ បើតាមប្រសាសន៍របស់ប្រធានាធិបតីចិនរូបនេះ ប្រទេសចិនបានផ្តល់ជំនួយចំនួន ២ ពាន់លានដុល្លារអាមេរិកសម្រាប់ការឆ្លើយតបទៅនឹងវីរុស Covid-19 និងការស្តារសេដ្ឋកិច្ចនិងសង្គមនៅក្នុងប្រទេសកំពុងអភិវឌ្ឍន៍ដែលរងគ្រោះដោយរោគរាតត្បាត។

ទន្ទឹមនឹងនោះដែរ ប្រទេសចិនបានបញ្ជូនការផ្គត់ផ្គង់ផ្នែកវេជ្ជសាស្រ្តទៅកាន់ប្រទេសជាង ១៥០ និងអង្គការអន្តរជាតិចំនួន ១៣ ហើយបានផ្តល់ម៉ាសចំនួន ២៨០ ពាន់លាន ឈុតការពារ ៣.៤ ពាន់លាន និងឧបករណ៍ធ្វើតេស្តិ៍ចំនួន ៤ ពាន់លានដល់ពិភពលោក។ ខណៈបានផ្គត់ផ្គង់វ៉ាក់សាំងចំនួន ៣០០ លានដូសដល់ពិភពលោក ហើយនឹងបន្តផ្តល់ឱ្យកាន់តែច្រើនថែមទៀតនូវសមត្ថភាពរបស់ខ្លួន៕

អត្ថបទ៖ លីនី
ប្រភព៖ nationthailand