រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទឯកឧត្ដម វេង សាខុន បានលើកទឹកចិត្តដល់ម្ចាស់កសិដ្ឋានចិញ្ចឹមត្រីទាំងអស់ពង្រីកសក្តានុពលរបស់ខ្លួនបន្ថែមទៀត ខណៈពេលដែលក្រសួងហាមឃាត់ការនាំចូលត្រីពីប្រទេសជិតខាងដើម្បីជំរុញផលិតកម្មក្នុងស្រុក។ ការលើកទឹកចិត្តនេះ ត្រូវបានធ្វើឡើងនៅពេលដែលឯឧត្ដមរដ្ឋមន្ត្រីបានចូលរួមវេទិកាអេកូទេសចរណ៍អន្តរជាតិលើកទី២ និងបានវាយតម្លៃពីវឌ្ឍនភាពនៃឧស្សាហកម្មកសិ-ឧស្សាហកម្ម (ចេកលឿង) និងការដាំដុះនៅខេត្តកំពង់ធំ សៀមរាប ក្រចេះ និងមណ្ឌលគីរីក្នុងបេសកកម្មរយៈពេល ៥ ថ្ងៃចាប់ពីថ្ងៃទី ២៦ ខែមករា ដល់ ថ្ងៃទី ៣០ ហើយក៏បានចុះទៅមើលកសិដ្ឋានចិញ្ចឹមត្រីរបស់លោក សុខ រ៉ាន់ ប្រធានសមាគមអ្នកចិញ្ចឹមទឹកកម្ពុជានៅភូមិស្មូ ឃុំកំពង់ថ្ម ស្រុកសន្ទុក។

ឯកឧត្ដម បានកោតសរសើរចំពោះការរៀបចំឱ្យបានត្រឹមត្រូវនៃកសិដ្ឋានទាក់ទងនឹងគុណភាពទឹកប្រព័ន្ធលូ និងកសិកម្មបរិស្ថានដែលសមស្របសម្រាប់ត្រី និងអាចចាត់ទុកថាជាកសិដ្ឋានគំរូមួយនៅទូទាំងខេត្ត។ ឯកឧត្ដមបានប្រាប់ម្ចាស់កសិដ្ឋានចិញ្ចឹមត្រីថា ក្រសួងក៏ដូចជារដ្ឋបាលជលផលនឹងត្រៀមខ្លួនជួយសម្រួលដល់ដំណើរការវិនិយោគនៃការចិញ្ចឹមត្រីនៅក្នុងកសិដ្ឋាន និងការបង្កើតកន្លែងភ្ញាស់កូនត្រីនៅខេត្តកំពង់ធំឱ្យទទួលបានជោគជ័យ។

ជាមួយគ្នានេះ ឯកឧត្ដមក៏បានកោតសរសើរចំពោះលោក សុខ រឿន ដែលបានវិនិយោគបង្កើតកសិដ្ឋានចិញ្ចឹមត្រីនៅតំបន់នេះដែលបានគាំទ្រ និងលើកទឹកចិត្តដល់កសិករចិញ្ចឹមត្រី និងកង្កែបជាលក្ខណៈគ្រួសារដើម្បីធានាសន្តិសុខស្បៀងបង្កើនប្រាក់ចំណូល និងជំរុញការនាំចេញក្នុងបរិបទនៃការរីករាលដាលនៃជំងឺ Covid-19 ៕

ប្រភព៖ ក្រសួងព័ត៌មាន