រដ្ឋាភិបាលថៃ គ្រោងនឹងកែសម្រួលច្បាប់ និងបទប្បញ្ញត្តិសំខាន់ៗដែលទាក់ទងនឹងជនអន្តោប្រវេសន៍ អាជីវកម្មបរទេស និងវិស័យផ្សេងៗទៀតនៅឆ្នាំក្រោយ ដើម្បីទាក់ទាញការវិនិយោគដោយផ្ទាល់ពីបរទេសបន្ថែមទៀត។ ការធ្វើវិសោធនកម្មនេះ ក៏នឹងគ្របដណ្តប់លើពលករបរទេស ពន្ធដារ ការធ្វើផែនការទីក្រុង ជីវៈចម្រុះ អាជីវកម្មភាពយន្ត និងវីដេអូ និងវិស័យថាមពលរួមមាន ហេដ្ឋារចនាសម្ព័ន្ធ និងថាមពលជំនួស។

យោងតាមប្រភពពីរដ្ឋាភិបាលថៃបានឱ្យដឹងថា រដ្ឋាភិបាលមានគោលបំណងដើម្បីសម្រេចឱ្យបានយ៉ាងហោចណាស់ ៨៥% នៃការកែប្រែដែលបានកំណត់ក្រោមគ្រោងការណ៍ “regulatory guillotine” របស់ខ្លួននៅឆ្នាំក្រោយ។

ចំពោះគ្រោងការណ៍នេះ គណៈកម្មការអភិវឌ្ឍន៍វិស័យសាធារណៈ នឹងដឹកនាំបេសកកម្មធ្វើជំនួញនៅប្រទេសថៃកាន់តែងាយស្រួលជាងសព្វថ្ងៃ។ អាជីវកម្ម និងអ្នកប្រើប្រាស់បច្ចុប្បន្នមានបន្ទុកខ្ពស់ពីការអនុលោមតាមច្បាប់ និងបទប្បញ្ញត្តិពាក់ព័ន្ធនានាដែលបានប៉ាន់ប្រមាណថាមានចំនួនសរុប ១៤២ ពាន់លានបាតក្នុងមួយឆ្នាំ។

ទន្ទឹមនឹងនេះ វិទ្យាស្ថានស្រាវជ្រាវអភិវឌ្ឍន៍ថៃព្យាករណ៍ថា ការធ្វើវិសោធនកម្មច្បាប់ និងបទប្បញ្ញត្តិនានានឹងកាត់បន្ថយការចំណាយប្រចាំឆ្នាំ ៥៥.២% ឬ ១៣៣ ពាន់លានបាតសម្រាប់អតិថិជន និង ២២.៤% ឬ ៩ ពាន់លានបាតសម្រាប់អាជីវកម្ម។ រដ្ឋាភិបាលសង្ឃឹមថា ការកែប្រែនេះនឹងជួយលើកប្រទេសថៃនៅក្នុងចំណាត់ថ្នាក់ “Ease of Doing Business” របស់ធនាគារពិភពលោកពីចំណាត់ថ្នាក់ទី២១ របស់ខ្លួនទៅជាកំពូលទាំង១០ ។

គួរឱ្យដឹងផងដែរថា អាជីវកម្មបរទេស និងក្នុងស្រុកបានត្អូញត្អែរជាយូរមកហើយអំពីបន្ទុកថ្លៃដើមដែលបណ្តាលមកពីការអនុលោមតាមការិយាធិបតេយ្យថៃ ប៉ុន្តែរដ្ឋាភិបាលយឺតយ៉ាវក្នុងការលុបឈ្មោះ។ វិនិយោគិនបរទេស បានទទូចសុំច្បាប់មិត្តភាពស្តីពីជនអន្តោប្រវេសន៍អាជីវកម្មបរទេស និងពន្ធ៕

អត្ថបទ៖ នីតា
ប្រភព៖ nationthailand