រដ្ឋាភិបាលជប៉ុននឹងបង្កើតមូលនិធិប្រហែល ៥០ ពាន់លានយ៉េន (៤៥៨ លានដុល្លារ) ដើម្បីផ្តល់ឱ្យក្រុមអ្នកស្រាវជ្រាវវ័យក្មេងនូវសន្តិសុខហិរញ្ញវត្ថុ និងចាប់ផ្តើមការច្នៃប្រឌិតបច្ចេកវិទ្យាថ្មី។ យោងតាមការចេញផ្សាយដោយសារព័ត៌មាន nikkeiasia ផែនការនេះ គឺផ្តល់ប្រាក់ជាមធ្យម ៧ លានយ៉េនដល់អ្នកស្រាវជ្រាវម្នាក់ៗក្នុងមួយឆ្នាំដែលអាចពង្រីកដល់ប្រហែល ១០ លានយ៉េន ហើយគោលការណ៍ឧបត្ថម្ភធននឹងផ្ដល់សម្រាប់អ្នកស្រាវជ្រាវអាយុក្រោម ៤០ ឆ្នាំ។ ប្រភពដដែលបានឲ្យដឹងថា មូលនិធិនេះនឹងត្រូវបញ្ចូលទៅក្នុងកញ្ចប់គោលនយោបាយសេដ្ឋកិច្ចដែលកំពុងពិភាក្សា ដោយក្នុងរយៈពេលនៃកម្មវិធីនេះអ្នកស្រាវជ្រាវប្រមាណ ៧០០ នាក់ដែលភាគច្រើនត្រូវបានគេរំពឹងថា នឹងចូលរួមនៅក្នុងបច្ចេកវិទ្យាវិទ្យាសាស្ត្រ ហើយអ្នកទទួលនឹងត្រូវបានជ្រើសរើសក្នុងរយៈពេលបីឆ្នាំ។

គួរបញ្ជាក់ផងដែរថា អ្នកស្រាវជ្រាវវ័យក្មេងនៅប្រទេសជប៉ុនភាគច្រើនពិបាកក្នុង​ការទំនុកបំរុងខ្លួនឯងដោយសារពិបាករកការងារ និងការងារមិនស្ថិតស្ថេរ ហើយការឧបត្ថម្ភទាំងនេះមានគោលបំណងលើកទឹកចិត្តអ្នកវិទ្យាសាស្ត្រទាំងនេះឱ្យទទួលយកបញ្ហាប្រឈមថ្មីៗ និងជួយបញ្ឆេះរលកថ្មីនៃការច្នៃប្រឌិតបច្ចេកវិទ្យា។ ក្រុមមន្រ្តីគ្រោងនឹងផ្តល់ប្រាក់ប្រចាំឆ្នាំចំនួន ៦ លានយ៉េនដល់ ៨ លានយ៉េនសម្រាប់អ្នកស្រាវជ្រាវម្នាក់។ លើសពីនេះទៀតសាកលវិទ្យាល័យរបស់អ្នកស្រាវជ្រាវនឹងស្ថិតក្នុងជួរប្រហែល ៣០ ភាគរយនៃអ្វីដែលអ្នកស្រាវជ្រាវបានទទួល៕

អត្ថបទ៖ លីនី
ប្រភព៖ nikkei