រដ្ឋាភិបាលកម្ពុជានឹងដាក់ចេញនូវផែនការហិរញ្ញប្បទានដែលមានទឹកប្រាក់ជិត ៦០០ លានដុល្លារអាមេរិក ដើម្បីជួយសហគ្រាសធុនតូច និងមធ្យមក្នុងការទប់ស្កាត់នឹងការរាតត្បាតជំងឺកូវីដ-១៩ ខណៈពេលដែលជំរុញការអភិវឌ្ឍរយៈពេលវែង និងកំណើនសហគ្រាសធុនតូច និងមធ្យម។

យោងតាមទិន្នន័យចុងក្រោយដែលផ្តល់ដោយក្រសួងហិរញ្ញវត្ថុនិងសេដ្ឋកិច្ច រដ្ឋាភិបាលគ្រោងនឹងត្រៀមថវិកាប្រមាណ ៦០០ លានដុល្លារអាមេរិកសម្រាប់ថវិកានៅឆ្នាំនេះ តាមរយៈធនាគារពាណិជ្ជដែលគ្រប់គ្រងដោយរដ្ឋាភិបាលចំនួនពីរ (ធនាគារអភិវឌ្ឍន៍កសិកម្ម និងជនបទ និងធនាគារសហគ្រាសធុនតូចនិងមធ្យម) ។ រួមទាំងស្ថាប័នហិរញ្ញវត្ថុពាណិជ្ជកម្ម សហគ្រាសធុនតូចនិងមធ្យមនៅក្នុងតំបន់ដែលពិបាក ជាមួយអាទិភាពដែលមានសក្តានុពលអភិវឌ្ឍន៍ពង្រីកប្រាក់កម្ចី។

ជាមួយ​គ្នានេះផែនការហិរញ្ញប្បទានពាក់ព័ន្ធរួមមាន ការផ្ដល់ប្រាក់កម្ចីចំនួន ៥០ លានដុល្លារអាមេរិកតាមរយៈធនាគារអភិវឌ្ឍកសិកម្មនិងជនបទ (ARDB) និងដាក់ចេញនូវផែនការហិរញ្ញប្បទានរួមគ្នាដែលមានតម្លៃ ១០០ លានដុល្លារអាមេរិកតាមរយៈកិច្ចសហប្រតិបត្តិការរបស់ធនាគារធុនតូចនិងមធ្យមជាមួយស្ថាប័នហិរញ្ញវត្ថុពាណិជ្ជកម្ម ដោយរដ្ឋាភិបាលបានផ្តល់ថវិកាចំនួន ៥០ លានដុល្លារអាមេរិក, ការបង្កើតកម្មវិធីធានាឥណទាន (Credit Guarantee) នាពេលអនាគតដ៏ខ្លីខាងមុខជាពីរដំណាក់កាលដើម្បីផ្តល់ហិរញ្ញប្បទាន ២០០ លាននិង ៣០០ លានដុល្លារអាមេរិក។

ផែនការធានាឥណទាននឹងផ្តល់ការធានាឥណទានសម្រាប់សហគ្រាសក្នុងវិស័យអាទិភាពដែលរងគ្រោះដោយសារការរាតត្បាត ជួយសហគ្រាសដែលពាក់ព័ន្ធទទួលបានប្រាក់កម្ចី និងធានាថាពួកគេអាចបន្តអាជីវកម្មរបស់ពួកគេក្នុងអំឡុងពេល និងក្រោយការរាតត្បាតនៃវីរុស Covid-19។ យ៉ាងណាមិញយោងតាមក្រសួងហិរញ្ញវត្ថុនិងសេដ្ឋកិច្ចគិតត្រឹមពាក់កណ្តាលខែនេះ ធនាគារអភិវឌ្ឍន៍កសិកម្ម និងជនបទបានយល់ព្រមនិងផ្តល់ប្រាក់កម្ចីជាង ១០ លានដុល្លារអាមេរិក ខណៈដែលចំនួនប្រាក់កម្ចីសរុបត្រូវបានអនុម័តនិងចេញដោយធនាគារខ្នាតតូចនិង សហគ្រាសធុនមធ្យមបានលើសពី ២០ លានដុល្លារអាមេរិក៕

អត្ថបទ៖ លីនី
ប្រភព៖ times