ប្រទេសសិង្ហបុរីនឹងមិនវិលត្រឡប់ទៅរកស្ថានភាពរបស់ខ្លួន មុនពេលផ្ទុះឡើងនៃវីរុស Covid-19 នោះទេ ហើយប្រទេសនេះត្រូវតែរៀបចំផែនការថ្មី ដោយកសាងសេដ្ឋកិច្ចថ្មីមួយនៅពេលបច្ចុប្បន្ននេះ នេះបើយោងតាមរបស់រដ្ឋមន្រ្តីក្រសួងពាណិជ្ជកម្ម និងឧស្សាហកម្មសិង្ហបុរីលោក Chan Chun Sing។
នៅក្នុងសន្និសីទកាសែតមួយកាលពីថ្ងៃអង្គារ (១១ សីហា) ជាកន្លែងដែលត្រូវបានប្រកាសថា សេដ្ឋកិច្ចរបស់ប្រទេសសិង្ហបុរីបានធ្លាក់ចុះ ៦.៧% នៅឆមាសទីមួយនៃឆ្នាំនេះ ហើយត្រូវបានគេរំពឹងថានឹងធ្លាក់ចុះនៅចន្លោះពី ៥ ទៅ ៧% នៅឆ្នាំនេះ លោក Chan Chun Sing បាននិយាយថា ការឈឺចាប់ដ៏ពិតប្រាកដមួយ គឺថាប្រទេសនេះនឹងមិនវិលត្រឡប់ទៅកាន់ពិភពមុនពេលផ្ទុះឡើងវីរុស Covid-19 ទេ។
លោកបានបន្តថា រលកនៃការឆ្លង និងការរំខានកើតឡើងដដែលៗមានន័យថា ការជាសះស្បើយនឹងត្រូវការពេលវេលា ហើយវិស័យខ្លះនឹងងើបឡើងវិញជាបណ្តើរៗ ចំណែកវិស័យខ្លះទៀតនឹងត្រូវផ្លាស់ប្តូរជារៀងរហូត។ ជាមួយគ្នានេះលោកក៏បានព្រមានផងដែរថាវិបត្តិបច្ចុប្បន្នមិនដូចវិបត្តិហិរញ្ញវត្ថុអាស៊ីឆ្នាំ ១៩៩៨ ឬ វិបត្តិហិរញ្ញវត្ថុពិភពលោកឆ្នាំ២០០៩ ដែលនៅពេលយើងធ្លាក់ចុះនោះអ្វីៗ នឹងប្រសើរឡើងក្នុងរយៈពេលពីរបីខែទៀតនោះទេ។
រដ្ឋមន្រ្តីរូបនេះបានមានប្រសាសន៍ថា៖ « ប្រសិនបើយើងរង់ចាំឲ្យវិបត្តិរាតត្បាតនេះចប់ យើងទំនងជានឹងស្ថិតក្នុងស្ថានភាពអាក្រក់ជាងយើងឥឡូវនេះ។ សាធារណរដ្ឋត្រូវតែចាប់ផ្តើមឥឡូវនេះដើម្បីកសាងសេដ្ឋកិច្ចថ្មី និងបង្កើតឱកាសការងារកាន់តែប្រសើរ និងច្រើនសម្រាប់ប្រជាជន យើងមិនអាចរង់ចាំឲ្យវីរុស Covid វាយបកបានទេ »។
យោងតាមប្រសាសន៍របស់លោករដ្ឋមន្រ្តី មានវិធី ៤ យ៉ាងដែលពិភពលោកបានផ្លាស់ប្តូរដោយមិនអាចពន្យល់បាន៖ ទីមួយបរិយាកាសភូមិសាស្ត្រនយោបាយដែលបានអនុញ្ញាតឱ្យសិង្ហបុរីរីកចម្រើនក្នុងរយៈពេល ៥០ ឆ្នាំចុងក្រោយនេះបានផ្លាស់ប្តូរ។ ទីពីរ ក្រុមហ៊ុនសកលកំពុងរៀបចំចង្វាក់ផលិតកម្ម និងផ្គត់ផ្គង់របស់ខ្លួនឡើងវិញ ដោយពិនិត្យមើលតម្រូវការការិយាល័យកណ្តាលក្នុងតំបន់ និងកន្លែងដែលរោងចក្ររបស់ពួកគេត្រូវបានគេចាក់បញ្ចូល។
ទន្ទឹមនឹងនេះទីបី លោកបានមានប្រសាសន៍ថា ការងារបានផ្លាស់ប្តូរហើយការងារពីចម្ងាយមានន័យថា អ្នកនៅប្រទេសផ្សេងទៀតអាចធ្វើការងាររបស់ប្រជាជនសិង្ហបុរីពីផ្ទះរបស់ពួកគេ។ តាមរយៈស្វ័យប្រវត្តិកម្ម និងបញ្ញាសិប្បនិម្មិត។ ហើយសម្រាប់ទីបួនវិញ ចំណិតសេដ្ឋកិច្ចដែលរួញតូចនឹងបង្កើតឱ្យមានការកកិតសង្គមកាន់តែច្រើន រវាងអ្នកដែលមានទ្រព្យច្រើន និងអ្នកដែលមានទ្រព្យតិច និងរវាងជនបរទេស និងអ្នកស្រុក ឬ សូម្បីតែពលរដ្ឋ និងអ្នករស់នៅជាអចិន្ត្រៃយ៍៕
អត្ថបទ៖ លីនី
ប្រភព៖ nationthailand