គណៈកម្មការអឺរ៉ុបបាននិយាយកាលពីថ្ងៃអង្គារ ម្សិលមិញថា សហគមន៍អឺរ៉ុបបានយល់ព្រមលើអនុស្សារណៈយោគយល់គ្នាជាមួយដៃគូមិនមែនសហភាពអឺរ៉ុបចំនួន ៨ ដើម្បីជួយអាជីវកម្មរបស់ពួកគេក្នុងការកំណត់ការធ្លាក់ចុះសេដ្ឋកិច្ចនៃការរាតត្បាតដោយមេរោគ Covid-19។

នៅក្នុង​សេចក្ដីប្រកាស​ព័ត៌មានមួយគណៈកម្មការបាននិយាយថា គិតត្រឹមថ្ងៃអង្គារនេះអនុស្សរណៈនៃការយោគយល់គ្នាត្រូវបានព្រមព្រៀងជាមួយប្រទេស Albania, Georgia, Jordan, Kosovo, Moldova, Montenegro, North Macedonia និង Ukraine។ ក្នុងចំណោមនោះ Kosovo, Moldova, North Macedonia និង Ukraine បានចុះហត្ថលេខាលើឯកសារជាផ្លូវការ។

ថវិកាសម្រាប់ដៃគូនីមួយៗ ត្រូវបានផ្សារភ្ជាប់ទៅនឹងសកម្មភាពជាក់លាក់ដូចជា ការពង្រឹងហិរញ្ញវត្ថុសាធារណៈ និងភាពធន់នៃវិស័យហិរញ្ញវត្ថុ កែលម្អអភិបាលកិច្ច និងការប្រយុទ្ធប្រឆាំងនឹងអំពើពុករលួយ ការពង្រឹងការការពារសង្គម និងការអត់ការងារធ្វើរបស់យុវជន។ គណៈកម្មការក៏បាននិយាយផងដែរថា កិច្ចព្រមព្រៀងទាំងនេះ គឺជាផ្នែកមួយនៃកញ្ចប់ដែលមានតម្លៃ ៣ ពាន់លានអឺរ៉ូ (៣.៥២ ពាន់លានដុល្លារអាមេរិក) សម្រាប់ដៃគូដែលខ្លួនបានចុះអនុស្សារណៈយោគយល់គ្នាជាមួយទាំង ១០ និងដៃគូជិតស្និត ខណៈការចរចារនៃអនុស្សារណៈយោគយល់គ្នាជាមួយដៃគូពីរដែលនៅសល់គឺ Bosnia and Herzegovina (BiH) និង Tunisia កំពុងដំណើរការ។

លោក Valdis Dombrovskis អនុប្រធាននាយកប្រតិបត្តិនៃគណៈកម្មាធិការបានមានប្រសាសន៍ថា“ ការគាំទ្រដល់ប្រទេសជិតខាងរបស់យើងគឺមានសារៈសំខាន់ណាស់នៅក្នុងគ្រាលំបាកនេះដើម្បីធ្វើឱ្យតំបន់ទាំងមូលមានស្ថេរភាព” ។ គួរបញ្ជាក់ផងដែរថា កាលពីថ្ងៃទី ២២ ខែមេសានៅពេលដែលប្រទេសជាសមាជិកសហភាពអឺរ៉ុបនៅតែប្រយុទ្ធប្រឆាំងនឹងការរីករាលដាលនៃវីរុស Covid-19 គណៈកម្មការបានអនុម័តសំណើសម្រាប់កញ្ចប់ជំនួយម៉ាក្រូហិរញ្ញវត្ថុ ៣ ពាន់លានអឺរ៉ូដល់ដៃគូទាំង១០ ។ មូលនិធិទាំងនេះនឹងត្រូវបានផ្តល់ជូន ជាទម្រង់ប្រាក់កម្ចីដោយមានលក្ខខណ្ឌអំណោយផលខ្ពស់ ដើម្បីជួយដៃគូក្នុងការផ្តល់ហិរញ្ញប្បទានសម្រាបតម្រូវការបន្ទាន់៕

អត្ថបទ៖ លីនី
ប្រភព៖ xinhuanet