ទីផ្សារទេសចរណ៍ធំទាំង ៦ របស់កម្ពុជានៅឆមាសទី១ ឆ្នាំ២០២០ នេះ គឺមាន ប្រទេសចិន វៀតណាម ថៃ អាមេរិក កូរ៉េខាងត្បូង អង់គ្លេស និង បារាំង ប៉ុន្តែភ្ញៀវទេសចរបរទេសដែលតូចជាងរបស់កម្ពុជាគឺ ទីម័រ ម៉ូណាកូ ចិនម៉ាកាវ ប៊ូតាន អាហ្គានីស្ថាន និង ហ្វីជី ។
តួរលេខលេខបានបង្ហាញថា នៅឆមាសទី១ឆ្នាំ ២០២០ ចិនមកកម្ពុជាមានចំនួនសរុប ២៧៥,៦៧៣ នាក់ ថយចុះ ៧៨.៧% , វៀតណាម មាន ១៧៩,៦៩៨ នាក់ ថយចុះ ៥៥.៣%, ថៃ មានចំនួន ១៦១,០៨៤ នាក់ ថយចុះ ៧.៦% , អាមេរិក ៥៣,២៣៨ ថយចុះ ៥៩.៧% , កូរ៉េខាងត្បូង ចំនួន ៥២,៦១៣ នាក់ ថយចុះ ៦២.២% , អង់គ្លេស ចំនួន ៤៤,៣២៦ នាក់ ថយចុះ ៥០.២% និង បារាំងចំនួន ៤១,៨៣៨ ថយចុះ ៥១.៧%។
ក្នុងនោះតួលេខដដែលបានបង្ហាញថា ជនជាតិទីម័រមកកាន់កម្ពុជានៅឆមាសទីមួយឆ្នាំ ២០២០ នេះ គឺមានត្រឹមតែ ២០ នាក់ប៉ុណ្ណោះ ថយចុះរហូតដល់ទៅ ៧៩.៦% , បន្ទាប់មក គឺម៉ូណាកូ មានចំនួន ២៧ នាក់ ថយចុះ ៣៥.៧%, ចិនម៉ាកាវ មានចំនួន ៣០ នាក់ ថយចុះ ៧៩.៣%, ប៊ូតាន មាន តែ ៤២ នាក់ថយចុះ ៧២.៤% , អាហ្គានីស្ថាន មានចំនួន ៤៧ នាក់ គឺថយចុះ ៦៧.៤%, និង ហ្វីជី ចំនួន ៧៥ នាក់ ថយចុះ ៦១.៧%។
ដោយឡែកយោងតាមរបាយការណ៍ទេសចរណ៍ឆមាសទីមួយរបស់ក្រសួងទេសចរណ៍បានឲ្យដឹងថា ជារួមភ្ញៀវទេសចរបរទេសមកកម្ពុជាធ្លាក់ចុះ ដល់ទៅ ៦៤% ដោយថយចុះ ពី ៣ លាននាក់កាលពីឆមាសទី១ ឆ្នាំ២០១៩ មកនៅត្រឹមតែ ១.១៨ លាននាក់នៅឆមាសទី១ ឆ្នាំ២០២០ ដោយសារតែវីរុសកូវីដ-១៩៕
ប្រភព៖ ក្រសួងព័ត៌មាន