ផលិតកម្មឧស្សាហកម្មរបស់សហរដ្ឋអាមេរិក បានបន្តងើបឡើងវិញនៅក្នុងខែកក្កដា ហើយតម្រូវការបានកើនឡើងបើប្រៀបធៀបទៅនឹងខែមិថុនា ប៉ុន្តែក្រុមហ៊ុននានានៅតែបញ្ឈប់ការងាររបស់បុគ្គលិក។

សន្ទស្សន៍ផលិតកម្មរបស់វិទ្យាស្ថានគ្រប់គ្រងការផ្គត់ផ្គង់ (ISM) បានកើនឡើងដល់ ៥៤.២% ដែលជាកម្រិតខ្ពស់បំផុតក្នុងឆ្នាំនេះ ហើយបានឈានដល់ការព្រមព្រៀង។ ក្នុងចំណោមឧស្សាហកម្មផលិតទាំង ១៨ មានកំណើនចំនួន ១៣ ដែលបានរាយការណ៍កាលពីខែមុន។

នៅក្នុងខែកក្កដា ការផលិតបានបន្តការងើបឡើងវិញ បន្ទាប់ពីការរំខានដែលបណ្តាលមកពីជំងឺ Covid-19 ។ គ្រឿងបន្លាស់ចំនួន ៧ ក្នុងចំណោមសមាសធាតុទាំង ១០ បានចាប់ផ្តើមដំណើរការនៅក្នុងខែនេះ រួមទាំងការបញ្ជាទិញថ្មីដែលបានកើនឡើងដល់ ៦១.៥% ហើយផលិតកម្មបានកើនឡើង ៦២.១% ។ ការងារក៏បានកើនឡើងផងដែរ ប៉ុន្តែមានតែបន្តិចដែលមានត្រឹម ៤៤.៣% មានន័យថាការបាត់បង់ការងារនៅតែបន្ត។

លោក Timothy R. Fiore ប្រធានគណៈកម្មាធិការស្ទង់មតិ របស់វិទ្យាស្ថានបាននិយាយនៅក្នុងសេចក្តីថ្លែងការណ៍មួយថា លោកមិនមានហេតុផលណាមួយដែលថាការពង្រីកនេះ នឹងមិនបន្តផ្តល់នូវតម្រូវការខ្លាំងនោះទេ សូម្បីតែក្រុមហ៊ុនក៏បង្ហាញក្តីបារម្ភខ្លះទៅលើខ្សែសង្វាក់ផ្គត់ផ្គង់ និងផលប៉ះពាល់នៃការកើនឡើងនូវករណីឆ្លងជំងឺរាតត្បាតនៅផ្នែកខ្លះនៃប្រទេសក៏ដោយ។ លោកបន្ថែមថា « លទ្ធផលខែកក្កដា គឺប្រសើរជាងអ្វីដែលលោកបានរំពឹងទុក។ យើងកំពុងរីកចម្រើនម្តងទៀតពីកម្រិតទាបបំផុតជាប្រវត្តិសាស្ត្រដែលយើងបានឃើញកាលពីខែមេសា ហើយគ្មានហេតុផលអ្វីដែលកំណើននេះមិនគួរបន្តទេ។ សំណួរគឺថាតើមានអត្រាប៉ុន្មាន​ »។

ផ្ទុយទៅវិញ ឧស្សាហកម្មសេវាកម្មដូចជា៖ ការធ្វើដំណើរ និងភោជនីយដ្ឋានបានជួបការលំបាកជាងការផលិតដោយការបិទទ្វារប្រទេស ប៉ុន្តែអ្នកសេដ្ឋកិច្ចព្រមានថាដំណើរឆ្ពោះទៅមុខនៅតែមិនច្បាស់។ ជាមួយគ្នានេះដែរលោក Oren Klachkin មកពីក្រុមហ៊ុន Oxford Economics បាននិយាយថា « វិបត្តិសេដ្ឋកិច្ច និងសុខភាពមានទំនាក់ទំនងគ្នាយ៉ាងខ្លាំង ហើយការងើបឡើងវិញនៃសេដ្ឋកិច្ចមិនអាចត្រូវបានធានានោះទេ ដរាបណាផលប៉ះពាល់នៃជំងឺ Covid-19 នៅតែមាន »៕

អត្ថបទ៖ នីតា
ប្រភព៖ thejakartapost