សារៈមន្ទីរមួយចំនួននៅទូទាំងប្រទេសជប៉ុនបានចាប់ផ្ដើមប្រមូលសម្ភារៈទាក់ទងនឹងរោគរាត្បាតដែលបង្កឡើងដោយវីរុស Covid-19 ដូចជា ម៉ាស់ និងខិត្តប័ណ្ណ ដើម្បីតាមដានជីវិតប្រចាំថ្ងៃក្នុងកំឡុងពេលផ្ទុះ និងឆ្លង ជាមរតកដល់មនុស្សជំនាន់ក្រោយ។ ការផ្លាស់ប្តូរនេះបានកើតឡើងនៅពេលសារមន្ទីរដឹងថា ពួកគេមិនមានកំណត់ត្រានៃការរីករាលដាលនៃជំងឺផ្តាសាយអេស្ប៉ាញដែលបណ្តាលឱ្យមានមនុស្សប្រមាណ ២០ លានទៅ ៥០ លាននាក់បានស្លាប់នៅទូទាំងពិភពលោកកាលពី ១០០ ឆ្នាំមុន។

នៅទីប្រជុំជន Hokkaido នៃរដ្ឋ Urahoro អ្នកស្រុកបានបរិច្ចាគរបស់របរប្រហែល ២០០មុខ ដល់សារមន្ទីរសាធារណៈជាការឆ្លើយតបនឹងសំណើកាលពីខែកុម្ភៈ។ របស់របរទាំងនោះរួមមាន ខិត្តប័ណ្ណទាំងការជូនដំណឹងដល់ប្រជាជនអំពីការលុបចោលនូវពិធីបុណ្យ ប័ណ្ណសំរាប់ទទួលទានអាហារ និងម៉ាស់ដែលចែកចាយដោយរដ្ឋាភិបាលកណ្តាល។

លោក Makoto Mochida អាយុ ៤៧ ឆ្នាំជាអ្នកអភិរក្សនៅសារមន្ទីរទីក្រុងនៅលើកោះភាគខាងជើងបាននិយាយថា « ជីវិតប្រចាំថ្ងៃរបស់យើងនឹងក្លាយជាផ្នែកមួយនៃប្រវត្តិសាស្ត្រ។ យើងចង់ប្រមូលវត្ថុជាច្រើនតាមដែលអាចធ្វើទៅបាន មុនពេលបោះចោល »។ ជាមួយគ្នានេះលោកបានបន្តថា « នៅពេលដែលយើងក្រឡេកមើលទៅយុគសម័យនេះនាពេលអនាគត សម្ភារៈទាំងនោះនឹងជួយយើងក្នុងការពិនិត្យមើល និងស្រាវជ្រាវបានយ៉ាងច្បាស់ »។

នៅទីក្រុង Suita ភាគខាងលិចនៃប្រទេសជប៉ុន សារមន្ទីរមួយបានបង្ហាញនូវប្រដាប់ប្រដាការពារ របាំងមុខ និងថ្នាំការពារ ដើម្បីការពារប្រឆាំងនឹងវីរុស រួមទាំងរូបថតដែលបង្ហាញពីក្រុមមនុស្សជាច្រើននៅឯហាងលក់ថ្នាំដើម្បីទិញម៉ាស។ លោក Kenji Saotome អាយុ ៤៦ ឆ្នាំជាអ្នកថែសួននៅសារមន្ទីរទីក្រុង Suita បាននិយាយថា « យើងចង់កត់ត្រានូវអ្វីដែលកំពុងកើតឡើង (ក្នុងកំឡុងពេលមានជំងឺរាតត្បាតវីរុស Covid-19) និងផ្តល់មធ្យោបាយសម្រាប់មនុស្សជំនាន់ក្រោយដើម្បីរៀនអំពីយុគសម័យបច្ចុប្បន្ន »។

ជាមួយគ្នានេះបណ្ណាល័យជាតិនៅទីក្រុងតូក្យូ ក៏បានផ្ទុកទិន្នន័យតាមអ៊ិនធរណេតដែលទាក់ទងនឹងមេរោគនៃការិយាល័យសាធារណៈផងដែរ ខណៈសារមន្ទីរល្ខោន Tsubouchi Memorial នៅឯសាកលវិទ្យាល័យ Waseda ក្នុងទីក្រុងតូក្យូ បានស្នើឱ្យរោងកុននិងក្រុមល្ខោនបរិច្ចាគខិត្តប័ណ្ណ និងស្គ្រីបនៃរឿងល្ខោនដែលត្រូវបានលុបចោល ឬ ផ្អាកដោយសារតែជំងឺរាតត្បាត។

លោក Akihiro Morihara អាយុ ៥៤ ឆ្នាំជាមន្ត្រីជាន់ខ្ពស់នៅសារមន្ទីរ Yamanashi Prefectural Museum ដែលបានប្រមូលឯកសារទាក់ទងនឹងជំងឺរាតត្បាតបាននិយាយថា « ប្រសិនបើមានកំណត់ត្រានៃជំងឺផ្តាសាយអេស្ប៉ាញនៅកម្រិតមូលដ្ឋាន ពួកគេប្រហែលជាបានផ្តល់តម្រុយដូចជា វិធីដើម្បីប្រយុទ្ធប្រឆាំងនឹងការឆ្លងបច្ចុប្បន្ន »។ លោកបានបន្តថា « គ្រោះមហន្តរាយនិងរោគរាតត្បាតបានកើតឡើងម្តងហើយម្តងទៀត ប៉ុន្តែមនុស្សឆាប់ភ្លេចវាណាស់ ហើយយើងចង់បង្កើតឱកាសនេះ ដើម្បីក្រឡេកមើលយុគសម័យបច្ចុប្បន្នតាមរយៈការតាំងពិព័រណ៍ » ៕

អត្ថបទ៖ លីនី
ប្រភព៖ kyodonews