បំណុលដែលមិនទាន់សងរបស់ហ្វីលីពីនបានកើនឡើងដល់ ៩ ទ្រីលានប៉េសូ (ប្រហែល ១៨៣.៩ ពាន់លានដុល្លារ) គិតត្រឹមដំណាច់ខែមិថុនា នៅពេលដែលរដ្ឋាភិបាលបានខ្ចីប្រាក់បន្ថែមទៀត ​​​​ដើម្បីប្រយុទ្ធប្រឆាំងនឹងជំងឺរាតត្បាត Covid-19 នេះបើយោងតាម ការិយាល័យរតនាគារហ្វីលីពីន ។

ការិយាល័យរតនាគារបាននិយាយនៅក្នុងសេចក្តីថ្លែងការណ៍មួយថា បំណុលជាភាគហ៊ុនសរុបសម្រាប់ខែមិថុនា បានកើនឡើងដល់ ៩.០៥ ទ្រីលានប៉េសូពោលគឺកើនឡើងជាង ១៦៣.៣ ពាន់លានប៉េសូ ឬ ១.៨% បើធៀបទៅនឹងខែឧសភា។ ក្នុងចំណោមបំណុលជាភាគហ៊ុនមិនទាន់សងសរុប ៣២% ត្រូវបានរកឃើញនៅខាងក្រៅប្រទេស និង ៦៨% គឺបំណុលក្នុងប្រទេស។

ទន្ទឹមនឹងនេះ ទិន្នន័យពីនាយកដ្ឋានហិរញ្ញវត្ថុហ្វ៊ីលីពីនបានបង្ហាញថា ចាប់ពីខែមករា ដល់ខែមិថុនា រដ្ឋាភិបាលបានផ្តល់ក្នុងកម្មវិធីប្រាក់កម្ចីដែលមានចំនួនជាង ២១៦.៣ ពាន់លានប៉េសូ (ប្រហែល ៤.៤ ពាន់លានដុល្លារ) សម្រាប់ការឆ្លើយតបនឹងជំងឺឆ្លងដែលមាន ១៣០.៥ ពាន់លានប៉េសូ (ប្រហែល ២.៦ ពាន់លានដុល្លារ) ពី ធនាគារអភិវឌ្ឍន៍អាស៊ី និង ៨៥.៨ ពាន់លានប៉េសូ (ប្រហែល ១.៧៤ ពាន់លានដុល្លារ) ពីធនាគារពិភពលោក៕

អត្ថបទ៖ នីតា
ប្រភព៖ vietnamplus