ការនាំចេញរបស់អាស៊ាននឹងទទួលបានអត្ថប្រយោជន៍ ពីការងើបឡើងវិញនៃសេដ្ឋកិច្ចរបស់ប្រទេសចិន ដោយប្រទេសម៉ាឡេស៊ីហាក់ដូចជាទទួលបានផលចំណេញច្រើនបំផុត នេះបើយោងតាមរបាយការណ៍ចេញផ្សាយដោយធនាគារ OCBC របស់សិង្ហបុរីនៅថ្ងៃទី ២១ ខែកក្កដា។

យោងតាមរបាយការណ៍បានឱ្យដឹងថា ផលិតផលក្នុងស្រុកសរុបរបស់ប្រទេសចិននៅក្នុងត្រីមាសទី២ នៃឆ្នាំ ២០២០ បានកើនឡើង ៣.២% បើធៀបនឹងឆ្នាំមុន ដែលខ្ពស់ជាងការប៉ាន់ស្មាន ២.៤% និងបានងើបឡើងវិញយ៉ាងខ្លាំងពីតួលេខក្នុងត្រីមាសទី១ ។ ទិន្នផលឧស្សាហកម្មរបស់ចិន នៅខែមិថុនា​ បានកើនឡើង ៤.៨% ក្នុងរយៈពេលដូចគ្នាកាលពីឆ្នាំមុន ដែលជួយសេដ្ឋកិច្ចឱ្យងើបឡើងវិញពីការរំខានដោយជំងឺ Covid-19 ។

ទន្ទឹមនឹងនេះ ក្នុងចំណោមប្រទេសជាសមាជិកអាស៊ាន ប្រទេសម៉ាឡេស៊ីគឺជាអ្នកទទួលផលធំបំផុតពីការជ្រើសរើសនេះ ព្រោះប្រទេសចិនគឺជាទិសដៅសម្រាប់ការនាំចេញរបស់ខ្លួន ២១.៨% ។ នៅក្នុងបរិបទដែលទីផ្សារនាំចេញសំខាន់ៗដទៃទៀតនៃបណ្តាប្រទេសអាស៊ានដូចជា៖ សហរដ្ឋអាមេរិកអាចនឹងប្រឈមមុខនឹងការលំបាកបន្ថែមទៀត ចំពេលដែលការរីករាលដាលនៃជំងឺរាតត្បាត ខណៈសេដ្ឋកិច្ចប្រទេសចិនកំពុងបន្តការងើបឡើងវិញ គឺជាសញ្ញាដ៏ល្អសម្រាប់បណ្តាប្រទេសក្នុងតំបន់៕

អត្ថបទ៖ នីតា
ប្រភព៖ vietnamplus