មន្រ្តីសេដ្ឋកិច្ចជាន់ខ្ពស់របស់ប្រទេសចិននៅថ្ងៃសុក្រនេះ បានសន្យាថានឹងចំណាយថវិកាច្រើនជាមុន ធ្វើយ៉ាងណាដើម្បីស្ដារសេដ្ឋកិច្ចដែលរងការវាយប្រហារពីវីរុស Covid-19 ឡើងវិញ និងទប់ស្កាត់ការបាត់បង់ការងារ ហើយបានប្រកាសថាទីក្រុងប៉េកាំងនឹងមិនកំណត់គោលដៅកំណើនទេ ដើម្បីផ្តោតលើការប្រយុទ្ធប្រឆាំងនឹងវីរុសនេះ។

លោករដ្ឋមន្រ្តី Li Keqiang បានធ្វើការព្រមាននៅក្នុងរបាយការណ៍មួយទៅកាន់អង្គនីតិប្បញ្ញត្តិរបស់ប្រទេសចិនថា ការប្រយុទ្ធប្រឆាំងនឹងវីរុសនេះ មិនទាន់ដល់ទីបញ្ចប់នៅឡើយទេ។ ជាមួយគ្នានេះលោកបានអំពាវនាវឲ្យប្រទេសចិន កែប្រែការខិតខំប្រឹងប្រែងដើម្បីស្តារសេដ្ឋកិច្ចដែលកំពុងជួបការលំបាក។

គួរឲ្យដឹងផងដែរថា ប្រទេសចិនដែលជាកន្លែងផ្ទុះឡើងនៃវីរុសមុនគេកាលពីខែធ្នូ ឆ្នាំ២០១៩ គឺជាសេដ្ឋកិច្ចដំបូងគេដែលបានបើកដំណើរការឡើងវិញ ប៉ុន្តែកំពុងតស៊ូដើម្បីដំណើរការសកម្មភាពឡើងវិញ។ ខណៈក្រុមអ្នកវិភាគវិស័យឯកជនបាននិយាយថា ៣០% នៃកម្មករនៅក្នុងទីក្រុងចំនួន ៤៤២ ក្រុងរបស់ប្រទេសនេះ ឬច្រើនជាង ១៣០ លាននាក់បានបាត់បង់ការងារជាបណ្តោះអាសន្ននៅពេលសេដ្ឋកិច្ចបិទទ្វារ ដើម្បីប្រយុទ្ធប្រឆាំងនឹងវីរុស ហើយការងារ ២៥ លានកន្លែងអាចនឹងត្រូវបាត់បង់នៅក្នុងឆ្នាំនេះ។

លោក Li បានបន្តឲ្យដឹងថា ឱនភាពថវិការបស់រដ្ឋាភិបាលនឹងកើនឡើងដល់ ១ ទ្រីលានយ័ន (១៤០ ពាន់លានដុល្លារ) នៅឆ្នាំនេះ ដោយសារចំនាយដើម្បីជួយបំពេញគោលដៅរួមទាំងការបង្កើតការងារទីក្រុងថ្មីចំនួន ៩ លាន។ ទាំងនោះគឺស្របទៅនឹងការរំពឹងទុកនៃការចំណាយខ្ពស់តែមួយចំណែកនៃកញ្ចប់ជំនួយសេដ្ឋកិច្ចដែលមានទឹកប្រាក់ចំនួន ១ ទ្រីលានដុល្លារដែលត្រូវបានដាក់ឱ្យដំណើរការ ឬពិភាក្សាដោយសហរដ្ឋអាមេរិកសហរដ្ឋអាមេរិកនិងអឺរ៉ុប។

គួរបញ្ជាក់ផងដែរថា សេដ្ឋកិច្ចធំទី២ របស់ពិភពលោកបានធ្លាក់ចុះ ៦.៨% ត្រឹមតែរយៈពេល ៣ខែនៅក្នុងឆ្នាំនេះ បន្ទាប់ពីរោងចក្រការិយាល័យការធ្វើដំណើរ និងអាជីវកម្មផ្សេងទៀតត្រូវបានបិទទ្វារដើម្បីប្រយុទ្ធប្រឆាំងនឹងវីរុស Covid-19។ យ៉ាងណាមិញ រោងចក្រនិងហាងនានាបានបើកដំណើរការជាថ្មីហើយ ប៉ុន្តែការចំណាយរបស់អតិថិជនដែលជាក្បាលម៉ាស៊ីនសំខាន់នៃកំណើនសេដ្ឋកិច្ចគឺនៅខ្សោយ។

ក្រុមអ្នកព្យាករណ៍បាននិយាយថាប្រទេសចិនទំនងជាប្រឈមមុខនឹងរលកនៃការបាត់បង់ការងារដែលងាយនឹងបង្កជាបញ្ហានយោបាយនៅចុងឆ្នាំនេះ ដោយសារតែតម្រូវការខ្សោយរបស់សហរដ្ឋអាមេរិក និងអឺរ៉ុបសម្រាប់ការនាំចេញរបស់ចិន។ ទន្ទឹមនឹងនេះដែរលោក Li បានអំពាវនាវឱ្យមន្រ្តីរដ្ឋាភិបាលធ្វើឱ្យមានការរីកចម្រើននៅក្នុងវិស័យជាច្រើនរួមមាន ការងារ ពាណិជ្ជកម្ម ទាក់ទាញការវិនិយោគបរទេស បំពេញតាមតម្រូវការជីវភាពរស់នៅជាសាធារណៈរបស់ប្រជាជន និងធានាស្ថិរភាពនៃខ្សែសង្វាក់ផ្គត់ផ្គង់ឧស្សាហកម្ម។

ជាមួយគ្នានេះលោកបានបបន្តថា ទីក្រុងប៉េកាំងនឹងផ្តល់ឱ្យរដ្ឋាភិបាលក្នុងតំបន់ចំនួន ២ សែនកោដិយ័ន (២៨០ ពាន់លានដុល្លារ) ដើម្បីចំណាយលើការការពារការបាត់បង់ការងារ ធ្វើឱ្យប្រាកដថាតម្រូវការមូលដ្ឋានសាធារណៈត្រូវបានឆ្លើយតប និងជួយក្រុមហ៊ុនឯកជនឱ្យរស់រានមានជីវិតឡើងវិញ៕

ប្រភព៖ abcnews
អត្ថបទ៖ លីនី