យោងតាមការចុះផ្សាយរបស់ ក្រសួងការងារ និងបណ្ដុះបណ្ដាលវិជ្ជាជីវៈ កាលពីថ្ងៃចន្ទ ទី០២ ខែកញ្ញា នេះឱ្យដឹងថា រយៈពេលមួយសប្ដាហ៍ពេញ ពោលគឺចាប់ពីថ្ងៃទី០២ ខែកញ្ញា​ ដល់ ទី០៨ ខែកញ្ញា ឆ្នាំ២០២៤ តម្រូវការកម្លាំងពលកម្មមានចំនួន ៥៣ ២៩៦កន្លែង កំពុងរង់ចាំស្វាគមន៍បងប្អូន យុវជន សិស្ស និស្សិត។

ជាមួយគ្នានេះដែរ បើតាមការបញ្ជាក់របស់ក្រសួង ប្រភេទមុខរបរដែលកំពុងត្រូវការកម្លាំងពលកម្ម មានដូចជា៖ អ្នកបញ្ជាម៉ាស៊ីនដេរ កម្មករចំការដំណាំ ,កម្មករក្នុងផលិតកម្ម ,អ្នកធ្វើការក្នុងកាស៊ីណូ ,មន្រ្តីឥណទាន និងប្រាក់កម្ចី ,អ្នកបញ្ជាម៉ាស៊ីនផលិតផលិតផលធ្វើពីក្រណាត់ រោមសត្វ ,អ្នកធ្វើការផ្នែកសិប្បកម្មខាងសម្ភារវាយនភណ្ឌ ធ្វើពីស្បែក ,កម្មករខ្ចប់វេចដោយដៃ ,អ្នកប្រមូលបំណុល និងអ្នកធ្វើការដែលពាក់ព័ន្ធ ,អ្នកលក់ដូរតាមការទំនាក់ទំនង និងមុខរបរផ្សេងៗ។

ដូច្នេះសម្រាប់បងប្អូន យុវជន សិស្ស និស្សិត មេត្តាទាក់ទង ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ តាមរយៈទូរស័ព្ទ 1297 ឬ 1286 ឬ តេលេក្រាម និង CoolApp លេខ 077 23 23 78 ដើម្បីចុះឈ្មោះ និងសម្ភាសភ្លាមៗ៕

ប្រភព៖ ក្រសួងការងារ និងបណ្ដុះបណ្ដាលវិជ្ជាជីវៈ