NHK WORLD-JAPAN ដែលជាប្រព័ន្ធផ្សព្វផ្សាយដ៏ល្បីមួយរបស់ប្រទេសជប៉ុន នៅថ្ងៃទី២៦ ខែមីនា ឆ្នាំ២០២៤ នេះបានធ្វើការផ្សព្វផ្សាយឡើងវិញនូវវីដេអូមួយនៅក្នុងកម្មវិធី Somewhere Street ដែលបង្ហាញនិងរៀបរាប់អំពីខេត្តសៀមរាប។
នៅលើបណ្ដាញសង្គម NHK WORLD-JAPAN ដែលមានអ្នកតាមដានជាង ៣លាននាក់ វីដេអូដែលបានផ្សព្វផ្សាយឡើងវិញនោះបានបង្ហាញពីរឿងរ៉ាវជាច្រើននៅក្នុងខេត្តសៀមរាប រួមមាន ការរស់នៅរបស់ប្រជាពលរដ្ឋនៅក្នុងខេត្ត និងនៅតាមដងទន្លេសាប បង្ហាញពីជំនឿ សាសនា វប្បធម៌ របាំប្រពៃណី ម្ហូបអាហារ ប្រាសាទអង្គរវត្ត និងប្រាង្គប្រាសាទជាច្រើនទៀត ដែលសុទ្ធសឹងតែជាសក្ដានុពលសំខាន់ៗក្នុងការទាក់ទាញភ្ញៀវទេសចររបស់ខេត្តសៀមរាប។
សូមបញ្ជាក់ផងដែរថា វីដេអូផ្សព្វផ្សាយពីខេត្តសៀមរាបដែលមានរយៈពេលជិត ៥០នាទីនេះ ត្រូវបានផលិតឡើង និងផ្សព្វផ្សាយជាលើកដំបូង នៅក្នុងខែធ្នូ ឆ្នាំ២០១៧ មកម្ល៉េះ ដោយ NHK 2017 ដោយមានការសហការពី NHK ENTERPRISE និង AZMAX៕ សូមទស្សនាវីដេអូតាមរយៈលីងខាងក្រោម៖