យោងតាមការចុះផ្សាយរបស់ ក្រសួងព័ត៌មាន បា​នឱ្យដឹងថា “កោះសាមិត្ត” មានឈ្មោះដើមថា “កោះខ្មោច” ដែលមានទីតាំងស្ថិតក្នុងឃុំកោះស្តេច ស្រុកគីរីសាគរ ខេត្តកោះកុង មានចម្ងាយប៉ុន្មាន ២៥០គ.ម ពីរាជធានីភ្នំពេញ និង១៤០គ.ម ពីក្រុងខេមរភូមិន្ទ នៃខេត្តកោះកុង។

កោះនេះគឺជាគោលដៅសក្តានុពលទេសចរណ៍ដ៏ពេញនិយមមួយរបស់ភ្ញៀវទេសចរដែលមកលេងតំបន់កោះស្តេច ដោយសារកោះនេះមានអំណោយផលដល់ភ្ញៀវទេសចរជាតិ និងអន្តរជាតិក្នុងការទស្សនាផ្កាថ្ម ងូតទឹកសមុទ្រ ចុះក្រោមបាតសមុទ្រ និងស្ទូចត្រីក្បែៗកោះនោះ។

បច្ចុប្បន្នកោះនេះអាចទទួលភ្ញៀវអោយមានបោះតង់ ដោយមានទឹកសាប និងបន្ទប់ទឹកប្រើប្រាស់ជាទូទៅបាន ឬអាចមកស្នាក់នៅតាមរីសតនាៗក្នុងតំបន់កោះស្តេច កោះអំពិល និងអាចជួលទូកឬអូប័រ ជិះលេងកម្សាន្តជុំវិញកោះ៕

ប្រភព៖ ក្រសួងព័ត៌មាន