យោងតាមការចុះផ្សាយរបស់ រដ្ឋបាលខេត្តកំពត កាលពីថ្ងៃទី២៦ ខែមករា ឆ្នាំ២០២៤ បានឱ្យដឹងថា ខេត្ត​កំពត​ ទទួល​បាន​ពានរង្វាន់​ទីក្រុង​ទេសចរណ៍​ស្អាត​អាស៊ាន​លេីក​ទី៤​ ឆ្នាំ​២០២៤​ ។ ពិធី​ប្រារព្ធ​ធ្វើ​ឡើង​នៅ​ទីក្រុង​វៀងចន្ទ​ ប្រទេស​ឡាវ​ ល្ងាច​ថ្ងៃ​ទី២៦​ ខែ​មករា​ ឆ្នាំ​២០២៤​ ៕

សូមជម្រាបថា វេទិកាទេសចរណ៍អាស៊ានឆ្នាំ២០២៤នេះ រៀបចំឡើងក្រោមប្រធានបទ «អាស៊ានប្រកបដោយគុណភាព និងការទទួលខុសត្រូវ៖ ធានានិរន្តភាពនៃអនាគតអាស៊ាន (Quality and Responsible ASEAN – Sustaining ASEAN Future)» ដោយមានការចូលរួមពីសំណាក់រដ្ឋមន្ត្រីទេសចរណ៍ និងថ្នាក់ដឹកនាំទេសចរណ៍មកពីប្រទេសសមាជិកអាស៊ាន ចិន ជប៉ុន សាធារណរដ្ឋកូរ៉េ ឥណ្ឌា ក៏ដូចជាប្រទេសនិងអង្គការដៃគូមួយចំនួន៕