វេទិកាការងារ ដែលសហការរៀបចំដោយ NEA និងសហភាពសហព័ន្ធយុវជនកម្ពុជា វិស័យការងារ និងបណ្តុះបណ្តាលវិជ្ជាជីវៈ នៅថ្ងៃព្រហស្បតិ៍ ទី២៤ ខែសីហា ស្អែកនេះ នឹងនាំយកឱកាសការងារ ៧៩៩ កន្លែង ពីក្រុមហ៊ុនធំៗ ចំនួន១០។ នេះបើយោងតាម ក្រសួងការងារ និងបណ្ដុះបណ្ដាលវិជ្ជាជីវៈ។

សម្រាប់ក្រុមហ៊ុនធំៗទាំង ១០នោះរួមមាន៖ ធនាគារ WOORI BANK, ធនាគារ កាថេ យូណៃធីត, ក្រុមហ៊ុន Land & Home, ក្រុមហ៊ុន Forte Life insurance, ក្រុមហ៊ុន MR Training, ក្រុមហ៊ុន GEOLINK, ធនាគារ ឯកទេស AEON, ក្រុមហ៊ុន DDD, ក្រុមហ៊ុន JACCS និងក្រុមហ៊ុន Kofi ។

ដូច្នេះ យុវជន សិស្ស/និស្សិត កុំភ្លេចត្រៀម CV មកក្រសួងការងារ ដើម្បីដាក់ពាក្យ និងសម្ភាសផ្ទាល់ចាប់ពីម៉ោង ៨ ព្រឹក រហូតដល់ម៉ោង ៥ ល្ងាច៕

អត្ថបទ៖ លីនី