យោងតាមការចុះផ្សាយរបស់សារព័ត៌មាន Vnexpress បានឱ្យដឹងថា ប្រទេសវៀតណាមត្រូវបានដកចេញពីផែនការរបស់ក្រុមហ៊ុនយក្ស Apple សម្រាប់ការបើកដំណើរការហាងថ្មីចំនួន ១៥ ឬ ការកែលម្អហាងឡើងវិញនៅក្នុងតំបន់អាស៊ីប៉ាស៊ីហ្វិកចាប់ពីពេលនេះរហូតដល់ឆ្នាំ ២០២៧។

បើយោងតាមសារព័ត៌មាន Bloomberg បានរាយការណ៍ថា ក្រុមហ៊ុនបច្ចេកវិទ្យាយក្សរបស់សហរដ្ឋអាមេរិក គ្រោងនឹងសាងសង់ កែប្រែ ឬផ្លាស់ប្តូរទីតាំង នៅក្នុងប្រទេសចិនចំនួន ១៥ទីតាំង,នៅប្រទេសជប៉ុនចំនួន ៥ទីតាំង ,នៅឥណ្ឌា ៣ទីតាំង ,នៅកូរ៉េខាងត្បូង ចំនួន ២ទីតាំង ,នៅម៉ាឡេស៊ីចំនួន ១ទីតាំង និងអូស្ត្រាលីចំនួន ១ទីតាំងដូចគ្នា។ ទាំងនេះ​មាន​ន័យ​ថា ម៉ាឡេស៊ី​ នឹង​ក្លាយ​ជា​ប្រទេស​អាស៊ី​អាគ្នេយ៍​បន្ទាប់​ដែល​ទទួល​បាន Apple Store បន្ទាប់​ពី​សិង្ហបុរី និង​ថៃ។

គួរបញ្ជាក់ផងដែរថា មានហាង Apple ជាង ៥២០ នៅក្នុង ២៦ប្រទេស ខណៈកាលពីខែមុន Apple បានបើកដំណើរការហាងអនឡាញមួយសម្រាប់អតិថិជនវៀតណាម ហើយអ្នកវិភាគបានរំពឹងថា នេះនឹងនាំទៅដល់ការបើក Apple Store នៅក្នុងប្រទេស៕

អត្ថបទ៖ លីនី
ប្រភព៖ vnexpress