Shopee ជាប្រភេទអាជីវកម្ម E-Commerce របស់ក្រុមហ៊ុនបច្ចេកវិទ្យាយក្សអាស៊ីអាគ្នេយ៍ Sea Group សម្រេចបិទប្រតិបត្តិការក្នុងប្រទេសចំនួន ៤ ដូចជាប្រទេស ឈីលី កូឡុំប៊ី ម៉ិកស៊ិកនិង អាហ្សង់ទីន នេះបើយោងតាមការចុះផ្សាយរបស់សារព័ត៌មាន The straits times នៅថ្ងៃទី០៩ ខែកញ្ញា ឆ្នាំ២០២២។ ប្រភពបាននិយាយថា ក្រុមហ៊ុនដែលមានមូលដ្ឋាននៅប្រទេសសិង្ហបុរី បិទអាជីវកម្មបែបនេះនឹងប៉ះពាល់ដល់បុគ្គលិកដែលត្រូវបានបញ្ឈប់ក្នុងចំនួនដ៏ច្រើនទោះជាយ៉ាងណា ប្រទេសប្រេស៊ីល នឹងមិនរងផលប៉ះពាល់ទេ។ អាមេរិកឡាទីនគឺជាតំបន់ដ៏សំខាន់បំផុតរបស់ Shopee បន្ទាប់ពីអាស៊ីអាគ្នេយ៍ដែលមានចំនួនជិត ១៩ភាគរយនៃប្រាក់ចំណូលរបស់ខ្លួនក្នុងឆ្នាំ២០២១។ Shopee បានពង្រីកទៅប្រទេសម៉ិកស៊ិក ឈីលី និងកូឡុំប៊ីកាលពីមួយឆ្នាំមុន ពីរឆ្នាំបន្ទាប់ពីចូលទៅក្នុងប្រទេសប្រេស៊ីល។

លោក Zennon Kapron នាយកគ្រប់គ្រងក្រុមហ៊ុនប្រឹក្សា Kapronasia ដែលមានមូលដ្ឋាននៅប្រទេសសិង្ហបុរីបាននិយាយថា ការដកថយរបស់ Shopee ពីអាមេរិកឡាទីនគឺមិនគួរឱ្យភ្ញាក់ផ្អើលនោះទេ។ «យើងច្បាស់ណាស់នៅក្នុងបរិយាកាសហានិភ័យ ជាមួយនឹងការកើនឡើងអត្រាការប្រាក់ និងការបង្កើនភាពមិនច្បាស់លាស់ជុំវិញទិសដៅនៃសេដ្ឋកិច្ចពិភពលោក។» Shopee ប្រឈមមុខនឹងសម្ពាធកើនឡើងដើម្បីកាត់បន្ថយការចំណាយ បន្ទាប់ពីកំណើននៅក្នុងអាជីវកម្មអេឡិចត្រូនិករបស់ខ្លួនបានធ្លាក់ចុះ។ អ្នកប្រើប្រាស់កំពុងដកថយទៅលើការចំណាយតាមអ៊ីនធឺណិត ខណៈដែលការកើនឡើងអត្រាការប្រាក់ និងតម្លៃទំនិញកើនឡើង៕

ប្រភព៖ latestly

រូបភាព៖ REUTERS