យោងតាមការរាយការណ៍របស់សារព័ត៌មាន Xinhua បានឱ្យដឹងថា ទំនិញសរុបចំនួន ១.០២ លានតោនត្រូវបានដឹកជញ្ជូនតាមរយៈផ្លូវដែកឡាវ-ចិន ចាប់តាំងពីផ្លូវនេះបានដំណើរការកាលពីប្រាំបីខែមុន។ ប្រភពដដែលបានឱ្យដឹងទៀតថា តម្លៃនៃទំនិញទាំងនេះ មានចំនួនប្រហែល 9.14 ពាន់លានយន់ (ប្រមាណ ១.៣៥ពាន់លានដុល្លារ)។

នាយកដ្ឋានគយនៃទីក្រុងគុនមីង ដែលជារដ្ឋធានីនៃខេត្តយូណាន ភាគនិរតីនៃប្រទេសចិន បាននិយាយកាលពីថ្ងៃអង្គារថា ខ្លួនបានគ្រប់គ្រងរថភ្លើងដឹកទំនិញអន្តរជាតិចំនួន ១,៩៩៦ នៅលើផ្លូវដែកក្នុងអំឡុងពេលនោះ។ ជាមួយគ្នានេះ លោក Zhang Xianzhou អ្នកគ្រប់គ្រងក្រុមហ៊ុនដឹកជញ្ជូនអន្តរជាតិ ដែលមានមូលដ្ឋាននៅក្នុងខេត្ត Yunnan បាននិយាយថា ភាពខុសគ្នានៃការនាំចូល និងនាំចេញរបស់ក្រុមហ៊ុនបានកើនឡើងបន្ទាប់ពីការបើកដំណើរការសេវាកម្មផ្លូវដែកនេះ។

លោក Zhang បានបន្តថា ទំហំអាជីវកម្មរបស់ក្រុមហ៊ុនបានកើនឡើង ខណៈពេលដែលពេលវេលានៃការបោសសំអាតគយត្រូវបានកាត់បន្ថយយ៉ាងខ្លាំង។ ទន្ទឹមនឹងនេះលោក Chanthone Sitthixay ប្រធានក្រុមហ៊ុន Vientiane Logistics Park Co ដែលមានមូលដ្ឋាននៅទីក្រុងវៀងចន្ទន៍ ប្រទេសឡាវ បាននិយាយថា លោកមានសុទិដ្ឋិនិយមថា សេវាដ៏មានប្រសិទ្ធិភាពនៃផ្លូវរថភ្លើងនឹងគាំទ្រដល់កិច្ចខិតខំប្រឹងប្រែងរបស់ប្រទេសឡាវ ដើម្បីក្លាយជាមជ្ឈមណ្ឌលផ្គត់ផ្គង់ដ៏សំខាន់ថ្មីមួយ។ សួនភស្តុភារ និងកំពង់ផែស្ងួត Thanaleng ដែលមានផ្នែកបន្ថែមនៃការតភ្ជាប់ផ្លូវដែកឡាវ-ចិន និងឡាវ-ថៃ បានចុះបញ្ជីការកើនឡើងនៃបរិមាណនៃសេវាកម្មដឹកជញ្ជូន។ ជាក់ស្ដែងក្នុងរយៈពេលប្រាំខែដំបូងនៃឆ្នាំនេះ កុងតឺន័រចំនួន ១៣,០០០ បានឆ្លងកាត់កំពង់ផែស្ងួត ហើយភាគច្រើននៃកុងតឺន័រត្រូវបានដឹកជញ្ជូនដោយផ្លូវដែក ខណៈប្រទេស​ចិន ថៃ ម៉ាឡេស៊ី និង​សិង្ហបុរី​កំពុង​ដឹក​ជញ្ជូន​ទំនិញ​តាម​ផ្លូវ​នេះដែរ។

កួរបញ្ជាក់ថា ជាផ្នែកមួយនៃគំនិតផ្តួចផ្តើមខ្សែក្រវាត់ និងផ្លូវ (BRI) ដែលជាបណ្តាញហេដ្ឋារចនាសម្ព័ន្ធដឹកជញ្ជូនសកល – ផ្លូវដែកឡាវ-ចិន គឺជាច្រកផ្លូវដ៏សំខាន់មួយរវាងតំបន់អាស៊ីអាគ្នេយ៍ និងប្រទេសចិន និងលើសពីនេះ៕

អត្ថបទ៖ លីនី
ប្រភព៖ nationthailand
រូបភាព៖ chinadaily, rayhaber, english.news