និយ័តករអាជីវកម្មអចលនវត្ថុ និងបញ្ចាំ នាថ្ងៃទី០២ ខែមិថុនា ឆ្នាំ២០២៤ នេះ បានជូនដំណឹងពីការលើកលែងការផាកពិន័យផ្សេងៗ ចំពោះគម្រោងអភិវឌ្ឍលំនៅឋានជាបុរី ឬ អគារសហកម្មសិទ្ធិ (ខុនដូ) រយៈពេល ១ឆ្នាំ។ នៅក្នុងសេចក្ដីជូនដំណឹង ដែលចុះផ្សាយដោយនិយ័តករអាជីវកម្មអចលនវត្ថុ និងបញ្ចាំ បានឱ្យដឹងថា តាមសេចក្តីជូនដំណឹងស្តីពីលទ្ធផលនៃវេទិការាជរដ្ឋាភិបាល កម្ពុជា-ផ្នែកឯកជន លើកទី១៩ កាលពីថ្ងៃទី១៣ ខែវិច្ឆិកា ឆ្នាំ២០២៣ ពាក់ព័ន្ធវិធានការគាំទ្រដល់វិស័យសំណង់និងអចលនទ្រព្យ និងតាមការណែនាំដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ចំពោះការអនុវត្តប្រកាសលេខ ០៤៧ អ.ស.ហ.ប្រក ចុះថ្ងៃទី២៦ ខែកញ្ញា

ក្រសួងរៀបចំដែនដី នគរូបនីយកម្ម និងសំណង់ នាថ្ងៃទី២៤ ខែមិថុនានេះ បានប្រកាសទទួលពាក្យស្នើសុំធ្វើបណ្ណបំបែកក្បាលដីជូន​ អតិថិជនរបស់ បុរី ឡេង ណាវ៉ាត្រា ផ្លូវជាតិលេខ៦អា​ ដែលបានបង់ប្រាក់ថ្លៃលក់ទិញដីឡូត៍និង/ឬផ្ទះគ្រប់ចំនួន(១០០%)​ ចាប់ពីថ្ងៃជូនដំណឹងនេះ​ រហូតដល់ថ្ងៃទី២៨ ខែមិថុនា ឆ្នាំ២០២៤ នៅបន្ទប់លេខ ១១៧ ជាន់ទី១​ ទីស្តីការក្រសួង។ សូមអានខ្លឹមសារទាំងស្រុងដូចខាងក្រោម៖

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ការ​ចុះបញ្ជី​ដីធ្លីនៅក្នុង​ប្រទេស​កម្ពុជា ត្រូ​វបានបែងចែកជា​ ៣​ប្រភេទ រួមមានការ​ចុះបញ្ជី​មានល​ក្ខណៈ​ជា​ប្រព័ន្ធ និងការ​ចុះបញ្ជីដីធ្លី​ដាច់ដោយដុំ​ និងការ​ចុះបញ្ជី​ដីធ្លី​បំពេញបន្ថែម ប៉ុន្តែ​នៅពេល​នេះ យើង​សូមលើ​កយក​ពី​នីតិ​វិធី​នៃការ​ចុះបញ្ជី​ដីធ្លី​មានលក្ខណៈ​ជា​ប្រព័ន្ធ។ ការ​ចុះបញ្ជីដីធ្លី​មានលក្ខណៈ​ជា​​ប្រព័ន្ធ ត្រូវ​បាន​បែងចែកជា ​៥ដំណាក់​ ក្នុងនោះ ៖ ដំណាក់​កាលទី​១ អំពី​ការរៀបចំ ​៖ អភិបាល​ខេត្ត​ ក្រុង​ ជាអ្នកប្រកាស​តំបន់ដែល​ក្រុមមន្ត្រីចុះបញ្ជីដីធ្លី​ត្រូវ​ធ្វើការ​កំណត់ វាស់វែង​ព្រំដី និងវិនិច្ឆ័យ ។ ក្រោយពីការ​កំណត់​រួចមក​ អភិបាល​ខេត្ត​ត្រូវ​ការធ្វើប្រជុំវិនិច្ឆ័យ​ ដោយ​ផ្ដល់​ព័ត៌មាន​មក​អាជ្ញាធរ​មូលដ្ឋាន​ យ៉ាង ១៥​ថ្ងៃ​និង​សាធារណជន​យ៉ាង​តិច ​៧​ថ្ងៃមុនកា​រប្រជុំ​ ។​កិច្ច​ប្រជុំ​ផ្សព្វផ្សាយ​ត្រូវ​ធ្វើឡើង​ក្នុង​តំបន់​ធ្វើការ​វិនិច្ឆ័យ​ ដែលមានលក្ខណៈជា​ប្រព័ន្ធ ។

យោងតា​មការចុះផ្សាយរបស់ ក្រសួងព័ត៌មាន បានឱ្យដឹងថា ដើម្បីជាគន្លាស់សកម្មភាពនៅខេត្តជាប៉ូល​សេដ្ឋកិច្ចរបស់កម្ពុជា គម្រោង​វិនិយោគ​អគារ​ជាប់គាំងនានា​នៅក្នុងខេត្ត​ព្រះសីហនុ​ដែល​បានសាងសង់​ហើយ និងបានផ្អាក ពន្យារ​ពេល ឬបញ្ឈប់​ការ​សាងសង់​ចាប់ពីឆ្នាំ២០១៦ រា​ជរ​ដ្ឋា​​ភិ​បាល​បាន​លើក​ទឹកចិត្តផ្នែកពន្ធដារ​ចំនួន​ប្រាំបីចំណុចដើម្បីទាក់ទាញ​និងជំរុញការ​វិនិយោគ​នៅខេត្ត​ព្រះសីហនុបន្ថែម ។ លោក​ ត្រាំង ឡៃ អនុ​ប្រធាន​នាយកដ្ឋាន​សវនកម្ម​សហគ្រាស​នៃអគ្គ​នាយកដ្ឋាន​ពន្ធដារ រា​ជរ​ដ្ឋា​​ភិ​បាល​បាន​លើកទឹកចិត្តផ្នែកពន្ធដារ​ចំនួន​៨ចំណុច​សំខាន់ៗក្នុងនោះ៖ ១. លើក​លែង​ពន្ធលើ​ប្រាក់ចំណូល​ រួមទាំង​ប្រាក់រំដោះពន្ធ​លើ​ប្រាក់​ចំណូល​ប្រចាំខែ​ និង​ពន្ធ​អប្បបរមា​ប្រចាំឆ្នាំ រយៈពេល ​៣ឆ្នាំ ២.​លើកលែង​អាករ​លើតម្លៃបន្ថែម​ ចំពោះ​សហគ្រាស​ដែល​ផ្ដល់​កា​រផ្គត់ផ្គង់ទំនិញ ឬសេវាដល់​ការ​វិនិយោគ​ដើម្បីសាងសង់​បន្ត​ និងបញ្ចប់​អគារ​ជាប់គាំង ៣.ការ​លើកលែងពន្ធកាត់ទុក លើការ​ជួល​អចលនទ្រព្យ​​រយៈពេល​ ៥ឆ្នាំ ក្នុងករណី​វិនិយោគិន​មក​វិនិយោគលើអគារ​ជាប់​គាំង​ដែល​ទីតាំង​នោះជួលពីរូបវន្ត​បុគ្គល ៤. លើកលែងពន្ធលើអចលនទ្រព្យ និងលើ​កលែង​ទណ្ឌកម្ម​រដ្ឋបាល​រួមទាំង​ពន្ធ​បន្ថែម និងការ​ប្រាក់ទាំងអស់​ចាប់ពីឆ្នាំ២០១៦ ដល់ឆ្នាំ

សម្តេចធិបតី ហ៊ុន ម៉ាណែត អំពាវនាវដល់អ្នកកួកជេដី សូមកុំទៅទិញដីតាមបណ្ដោយគម្រោងព្រែកជីកហ្វូណនតេជោ កាក់ទុកដើម្បីទារសំណងពីរដ្ឋពេលរដ្ឋចុះដោះស្រាយផលប៉ះពាល់។ សម្ដេចធិបតី បានធ្វើការអំពាវនាវបែបនេះនៅក្នុងឱកាសអញ្ជើញជាអធិបតីក្នុងពិធីសម្ពោធបើកឲ្យប្រើប្រាស់ជាផ្លូវការកំពង់ផែពហុបំណងកំពត ស្ថិតនៅក្រុងបូកគោ ខេត្តកំពត នាព្រឹកថ្ងៃទី០៦ ខែមិថុនា ឆ្នាំ២០២៤ នេះ។ សម្ដេចធិបតី ហ៊ុន ម៉ាណែត បានមានប្រសាសន៍ថា៖ « ខ្ញុំសូមបងប្អូនដែលមិនរស់នៅតំបន់សណ្ដ ជាពិសេសអ្នកវិនិយោគ អ្នកដែលចាប់ឱកាសលឿន ខ្ញុំសុំព្រោះឥលូវខ្ញុំលឺល្ហិចល្ហៀងថា មានប្រមូលគ្នាដើម្បីទិញដីកាក់ទុក សូមកុំប៉ះកន្លែងដែលយើងធ្វើតែប៉ុន្មានម៉ែត្រហ្នឹង ការអភិវឌ្ឍន៍កន្លែងផ្សេងៗនៅជាប់ហ្នឹងធ្វើចុះ បើពេលគេធ្វើហើយ ព្រោះបើសិនព្រែកជីកហ្នឹងធ្វើមិនចេញ ធ្វើយឺត យើងក៏ខាតដែរ។ ប្រជាពលរដ្ឋនៅទីនោះ គាត់មានដី គាត់វិនិយោគ គាត់ធ្វើអ្វីផ្សេងពេលបង្កើត

និយ័តករអាជីវកម្មអចលនវត្ថុ និងបញ្ចាំ កោះអញ្ជើញក្រុមហ៊ុនចំនួន ២ ឱ្យបង់ប្រាក់ផាកពិន័យ ចំពោះការប្រកបអាជីវកម្មអភិវឌ្ឍអចលនវត្ថុដោយគ្មានអាជ្ញាបណ្ណ ដោយទុកពេលឱ្យក្នុងរយះពេល ១៥ ថ្ងៃយ៉ាងយូរ គិតចាប់ពីកាលបរិច្ឆេទ នៃសេចក្តីជូនដំណឹងនេះ ជាកំហិត។ តាមរយៈសេចក្ដីជូនដំណឹងរបស់​ និយ័តករអាជីវកម្មអចលនវត្ថុនិងបញ្ចាំ (ន.អ.ប.) ក្រុមហ៊ុនទាំងពីរខាងលើនេះ រួមមាន៖ ក្រុមហ៊ុន ឈូ យ័ន អិល1 (ខេមបូឌា) ឌីវេឡុបមេនឯ.ក និងក្រុមហ៊ុន អាណា រេស៊ីដេន ឯ.ក។ សូមជម្រាបថា ការកោះអញ្ជើញក្រុមហ៊ុនចំនួន ២ ខាងនេះ គឺធ្វើឡើង បន្ទាប់ពីក្រុមហ៊ុនបានប្រកបអាជីវកម្មអភិវឌ្ឍលំនៅឋាន និងអគារសហកម្មសិទ្ធិ

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ក្រសួងស្ថាប័នរបស់រាជរដ្ឋាភិបាលកម្ពុជា ក៏ដូចជាក្រុមអ្នកជំនាញអន្តរជាតិ កំពុងរួមគ្នាគិតអំពីការសាងសង់អគារដែលកាត់បន្ថយការប្រើប្រាស់ប្រព័ន្ធម៉ាស៊ីនត្រជាក់ ដើម្បីជាផ្នែកមួយកាត់បន្ថយការឡើងកម្តៅផែនដី ដោយសារការបញ្ចេញឧស្ម័នផ្ទះកញ្ចក់។ «គម្រោងយុទ្ធសាស្ត្រប្រព័ន្ធអកម្មត្រជាក់នៅកម្ពុជា» បាននិងកំពុងដឹកនាំដោយក្រសួងបរិស្ថាន សហការជាដៃគូដោយវិទ្យាស្ថានបច្ចេកវិទ្យាកម្ពុជា និងគាំទ្រការអនុវត្តពីអង្គការសហប្រជាជាតិសេដ្ឋកិច្ច និងគណៈកម្មការសង្គមសម្រាប់អាស៊ី និងប៉ាស៊ីហ្វិក (ESCAP) និងបរិស្ថានអង្គការសហប្រជាជាតិកម្មវិធី(UNEP) ក្នុងគោលដៅក្នុងការកាត់បន្ថយតម្រូវការថាមពល និងការកាត់បន្ថយបញ្ចេញឧស្ម័នផ្ទះកញ្ចក់ តាមរយៈវិធីសាស្ត្រត្រជាក់អកម្មក្នុងសំណងអគារ។ គម្រោងនេះ មានដាក់បញ្ចូលការអនុវត្តការរចនាស្ថាបត្យកម្ម និងការរៀបចំទីក្រុង តាមរយៈការ រចនាអគារដែលមានលក្ខណៈលំហូរខ្យល់ និងពន្លឺគ្រប់គ្រាន់ រួមទាំងការជ្រើសរើសប្រភេទសម្ភារៈបំពាក់ក្នុងអគារសន្សំសំចៃអគ្គីសនី បូករួមទាំងការធ្វើឱ្យបរិស្ថានជុំវិញអគារមានភាពបៃតង។ ក្នុងកិច្ចប្រជុំស្តីពីសហគមន៍សម្រាប់ការអនុវត្តគម្រោង យុទ្ធសាស្ត្រ ប្រព័ន្ធត្រជាក់អកម្ម សម្រាប់ការអភិវឌ្ឍប្រកបដោយចីរភាពនៅកម្ពុជា ដែលបានធ្វើឡើងនៅក្នុងរាជធានីភ្នំពេញ លោកស្រី Kim

និយ័តករអាជីវកម្មអចលនវត្ថុ និងបញ្ចាំ នៅថ្ងៃទី២៤ ខែមេសា ឆ្នាំ២០២៤ នេះ បានបង្ហាញឈ្មោះក្រុមហ៊ុន​/គម្រោង អភិវឌ្ឍដីឡូតិ៍ចំនួន ០៧ ដែលគ្មានអាជ្ញាបណ្ណ និងអំពាវនាវឲ្យពលរដ្ឋមានការប្រុងប្រយ័ត្នឲ្យបានខ្ពស់។ នៅក្នុងសេចក្ដីជូនដំណឹង និយ័តករអាជីវកម្មអចលនវត្ថុនិងបញ្ចាំ (ន.អ.ប.) សូមធ្វើបច្ចុប្បន្នភាពសេចក្តីជូនដំណឹងចុះថ្ងៃទី១១ ខែមីនា ឆ្នាំ២០២៤ ស្តីពីឈ្មោះក្រុមហ៊ុន/គម្រោងដែលប្រកបអាជីវកម្មអភិវឌ្ឍដីឡូត៍ដោយគ្មានអាជ្ញាបណ្ណពី ន.អ.ប. រួមមាន៖ ០១.ក្រុមហ៊ុន ដែនដី អង្គរ អិមផាយអី ឯ.ក គម្រោង “ដែនដី អាណាចក្រអង្គរ” ដែលមានទីតាំងគម្រោងស្ថិតនៅ ភូមិព្រៃតុម្ព ឃុំព្រៃឃ្មុំ ស្រុកទឹកឈូ ខេត្តកំពត ០២.

រាជរដ្ឋាភិបាលបន្តអនុគ្រោះ និងលើកលែងពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ រហូតដល់ដំណាច់ឆ្នាំ២០២៥ និងបន្តលើកលែងពន្ធលើអចលនទ្រព្យចំពោះសង្កាត់ និងក្រុងមួយចំនួនរហូតដល់ដំណាច់ឆ្នាំ២០២៤។ នេះបើយោងតាមការចុះផ្សាយនៅក្នុងព្រឹត្តិបត្រព័ត៌មានប្រចាំសប្តាហ៍ លេខៈ៤៥ របស់អគ្គនាយកដ្ឋានពន្ធដារ កាលពីថ្ងៃទី០៨ ខែកុម្ភៈ ឆ្នាំ២០២៤ ថ្មីៗនេះ។ នៅក្នុងព្រឹត្តិបត្រព័ត៌មានប្រចាំសប្តាហ៍ បានបញ្ជាក់ថា ដោយមានការគិតគូរប្រកបដោយចក្ខុវិស័យវែងឆ្ងាយរបស់ប្រមុខរាជរដ្ឋាភិបាលកម្ពុជានៃនីតិកាលទី៦ និងនីតិកាលទី៧ រាជរដ្ឋាភិបាលកម្ពុជាបានសម្រេចបន្តសុពលភាពអនុវត្តការអនុគ្រោះ និងការលើកលែងពន្ធប្រថាប់ត្រាលើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យដែលបានចុះបញ្ជី (មានប័ណ្ណកម្មសិទ្ធិ) និងមិនបានចុះបញ្ជី (គ្មានប័ណ្ណកម្មសិទ្ធិ) ព្រមទាំងបន្តលើកលែងពន្ធលើអចលនទ្រព្យចំពោះសង្កាត់និងក្រុងមួយចំនួន ដូចខាងក្រោម៖ ១. ពន្ធលើអចលនទ្រព្យ បន្តលើកលែងពន្ធលើអចលនទ្រព្យរហូតដល់ដំណាច់ឆ្នាំ២០២៤ ចំពោះសង្កាត់ចំនួន ៤ ក្នុងក្រុងតាខ្មៅ រួមមាន៖ សង្កាត់ស្វាយរលំ សង្កាត់កោះអន្លង់ចិន

ក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី០៧ ខែកុម្ភៈ ឆ្នាំ២០២៤ ម្សិលមិញនេះ បានចេញសេចក្ដីជូនដំណឹងស្ដីពី ការចែកវិញ្ញាបនបត្រសម្គាល់ម្ចាស់អចលនវត្ថុ និងមោឃៈភាពនៃប័ណ្ណសម្គាល់សិទ្ធិកាន់កាប់ប្រើប្រាស់ដីធ្លី ឫប័ណ្ណសម្គាល់សិទ្ធិកាន់កាប់អចលនវត្ថុ នៅភូមិ១ និងភូមិ២ សង្កាត់លេខ១ ក្រុងព្រះសីហនុ ខេត្តព្រះសីហនុ។ នៅក្នុងសេចក្ដីជូនដំណឹង បានបញ្ជាក់ថា រដ្ឋបាលខេត្តព្រះសីហនុ មានកិត្តិយសសូមជម្រាបជូនម្ចាស់នៃក្បាលដីស្ថិតនៅក្នុងតំបន់វិនិច្ឆ័យ ភូមិ១ និង ភូមិ២ សង្កាត់លេខ១ ក្រុងព្រះសីហនុ ខេត្តព្រះសីហនុ ឱ្យបានជ្រាបថា យោងតាមអនុក្រឹត្យលេខ ៤៦ អនក្រ.បក ចុះថ្ងៃទី ៣១ ខែឧសភា ឆ្នាំ២០០២