លោកស្រី ជា សេរី ទេសាភិបាលរងធនាគារជាតិនៃកម្ពុជា បានអំពាវនាវឲ្យបងប្អូនប្រជាពលរដ្ឋទាំងអស់ ពិនិត្យមើលកិច្ចសន្យាខ្លួនឱ្យបានហ្មត់ចត់មុននឹងចុះហត្ថលេខា ហើយត្រូវយល់ពីសិទ្ធនិងកាតព្វកិច្ចខ្លួនឯងឱ្យបានច្បាស់លាស់ ដើម្បីជៀសវាងជម្លោះនៅថ្ងៃក្រោយ។ លោកស្រី ជា សេរី បានធ្វើការអំពាវនាវបន្ទាប់ពីពេលថ្មីៗនេះ មានធនាគារមួយចំនួន ប្រកាសចាប់ផ្តើមឲ្យអត្រាការប្រាក់បន្ថែមពីលើអត្រាការប្រាក់មុន។ តាមរយៈ Facebook ផ្លូវការ លោកស្រី ជា សិរី បានថ្លែងថា កន្លងមកខ្ញុំបានពន្យល់ពីមូលហេតុដែលធនាគារមួយចំនួនដំឡើងអត្រាការប្រាក់ឥណទាន។ ការដំឡើងគឺដោយសារអត្រាការប្រាក់លើទីផ្សារអន្តរជាតិកើនឡើង ហើយធនាគារនៅកម្ពុជាក៏ត្រូវរងឥទ្ធិពលពីការកើនឡើងនេះដែរ ដែលធ្វើឱ្យតម្លៃដើមទុនរបស់គាត់ខ្ពស់ជាងមុន។ ធនាគារដែលខ្ចីប្រាក់ពីបរទេសត្រូវបង់ការប្រាក់ខ្ពស់ជាងមុន ហើយធនាគារដែលប្រើប្រាស់ទុនក្នុងស្រុកក៏បានចំណាយការប្រាក់ខ្ពស់ជាងមុនឱ្យអ្នកដាក់ប្រាក់បញ្ញើ។ បើយើងសង្កេតមើលអត្រាប្រាក់បញ្ញើគឺមានការកើនឡើងសឹងតែគ្រប់ធនាគារ។ អ្នកដាក់លុយចង់បានការប្រាក់ខ្ពស់ ឯអ្នកខ្ជីចង់បានការប្រាក់ទាប។ ដូចនេះធនាគារមួយចំនួនក៏បានសម្រេចចិត្តដំឡើងអត្រាការប្រាក់លើឥណទានអតិថិជនរបស់ខ្លួន។ សំណួរសួរថាតើធ្វើនេះខុសឬត្រូវ? ខ្ញុំក៏មិនដឹងថាកិច្ចសន្យានីមួយៗបានសរសេរយ៉ាងដូចម្តេចដែរ។ វាអាស្រ័យលើការឯកភាពគ្នារវាងភាគីទាំងសងខាង។

សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី១៦ ខែមីនា ឆ្នាំ២០២៣នេះ បានអំពាវនាវដល់បងប្អូនប្រជាពលរដ្ឋ ដែលបានដាក់ប្រាក់បញ្ញើតាមប្រព័ន្ធធនាគារនៅកម្ពុជា កុំមានការភ័យស្លន់ស្លោ រឿងធនាគារពាណិជ្ជចំនួន ២របស់អាមេរិកដួលរលំ ព្រោះមិនប៉ះពាល់ប្រព័ន្ធធនាគារកម្ពុជាទេ។ សម្ដេចបានលើកឡើងដូច្នេះនៅក្នុងពិធីប្រគល់សញ្ញាបត្រជូននិស្សិត​សាកលវិទ្យាល័យបៀលប្រាយ (BBU) សរុបប្រមាណ ៤,៥៦៦នាក់ នារី ២,០៣២នាក់ នៅព្រឹកថ្ងៃព្រហស្បតិ៍ ងៃទី១៦ ខែមីនា ឆ្នាំ២០២៣ នេះ។ នាឱកាសនោះ សម្តេចតេជោបានរំលឹកផងដែរថា ករណីវិបត្តិបែបនេះធ្លាប់កើនឡើងជាច្រើនសាររួចហើយ ដោយលើកទី១ វិបត្តិសេដ្ឋកិច្ចអាស៉ី ឆ្នាំ១៩៩៧ ដែលពេលនោះ មានការច្របូកច្របល់នៃប្រព័ន្ធធនាគារ លើពិភពលោករាប់ទាំងកម្ពុជា ប៉ុន្តែធនាគារនៅកម្ពុជា

ធនាគារកណ្ដាលរបស់ប្រទេសអ៊ុយក្រែន កាលពីថ្ងៃ ព្រហស្បតិ៍ ទី២៣ ខែកុម្ភៈ ម្សិលមិញនេះ បានបញ្ចេញក្រដាសប្រាក់ ២០រីវញៀ (hryvnia) គំរូថ្មី ដែលស្មើនឹង (០.៥៤ដុល្លារ) ដើម្បីប្រារព្ធខួបមួយឆ្នាំ នៃសង្រ្គាមឈ្លានពានរបស់រុស្ស៉ីនៅក្នុងប្រទេសអ៊ុយក្រែន។ នេះដោយយោងតាមការចុះផ្សាយរបស់សារព័ត៌មាន Yahoo។ នៅលើក្រដាសប្រាក់អ៊ុយក្រែនគំរូថ្មីនោះ ផ្នែកម្ខាងត្រូវបានរចនាឡើងដោយបង្ហាញរូបភាពទាហាន ៣នាក់ រួមគ្នាលើកទង់ជាតិរបស់អ៊ុយក្រែន ខណៈនៅចំហៀងម្ខាងទៀត គឺមាន​រូបភាពដៃពីរត្រូវបានចងដោយស្កុត ដែលហាក់ចង់សំដៅលើការប្រព្រឹត្តឧក្រិដ្ឋកម្មសង្រ្គាមនៅអ៊ុយក្រែន ដែលទីក្រុងកៀវបានចោទប្រកាន់ទៅលើកងកម្លាំងរុស្ស៉ី ប៉ុន្តែទីក្រុងមូស្គូបានចេញមុខបដិសេធ។ លោក Andriy Pyshnyi ទេសាភិបាលធនាគារជាតិនៃអ៊ុយក្រែនបាននិយាយថា “ដើម្បីប្រារព្ធខួបនៃសង្រ្គាម ១ឆ្នាំគត់ យើងបានសម្រេចចិត្តដាក់ឱ្យដំណើរការនូវក្រដាសប្រាក់ដើម្បីជាការរំលឹក ខណៈធនាគារកណ្តាលបានធ្វើការយ៉ាងលំបាកចាប់តាំងពីមានការឈ្លានពានពេញទំហឹងកាលពីថ្ងៃទី២៤ ខែកុម្ភៈឆ្នាំមុន

Saki Tamogami អាយុ ៣៧ឆ្នាំ រស់នៅយ៉ាងសន្សំសំចៃ រហូតសម្រេចបំណងចង់មានផ្ទះចំនួន ៣ នៅអាយុ ៣៤ឆ្នាំ។ យោងតាមការចុះផ្សាយរបស់សារព័ត៌មាន yahoo ស្រ្តីជប៉ុនរូបនេះ បានប្រើពេល ១៦ឆ្នាំ ដើម្បីសម្រេចក្ដីសុបិន្តរបស់នាង ដោយចាយមួយថ្ងៃតែ ១.៥០ដុល្លារប៉ុណ្ណោះ។ Tamogami បានដាក់ក្ដីសុបិន្តនៅពេលនាងអាយុ ១៨ឆ្នាំ ហើយតាមរយៈមធ្យោបាយសន្សំជាច្រើន នៅវ័យ ២៧ឆ្នាំ នាងបានទិញផ្ទះជាលើកដំបូងនៅទីក្រុង Saitama ក្នុងតម្លៃ ១០លាន​យ៉េន (ប្រហែល ៧៥,០០០ ដុល្លារ)។​ ហើយ ២ឆ្នាំក្រោយមក Tamogami បានទិញលើកផ្ទះទីពីរក្នុងតម្លៃ

ដោយសារតែការចាយលុយស្រួលជាងការសន្សំលុយ ទើបធ្វើឱ្យយើងគ្រប់គ្នាជួបប្រទះនឹងបញ្ហាហិរញ្ញវត្ថុដូចជា មិនមានប្រាក់សល់ជាប់ខ្លួន ប្រាក់ខែបើកមកចាយមិនដល់ខែ ឬ ពេលខ្លះឈានទៅដល់ការធ្លាក់ក្នុងបញ្ហាបំណុលទៀតផង។​ យ៉ាងណាមិញ ដើម្បីកុំឱ្យផុងខ្លួនចូលក្នុងបញ្ហាទាំងនេះ យើងត្រូវចេះគ្រប់គ្រងថវិកា និងចេះសន្សំផងដែរ ហើយខាងក្រោមនេះគឺជាគន្លឹះ និងយុទ្ធសាស្ត្រសន្សំលុយដ៏ល្អបំផុតដែលអាចដោះស្រាយបញ្ហាហិរញ្ញវត្ថុរបស់យើងបាន៖ ១.កត់ត្រាការចំណាយ៖ ដើម្បីចាប់ផ្តើមសន្សំលុយ ជំហានដំបូងគឺការស្វែងយល់ថាតើយើងចំណាយប៉ុន្មាន។ តាមដានរាល់ការចំណាយនីមួយៗ ដូចជា ការចំណាយទៅលើកាហ្វេ របស់របរប្រើប្រាស់ក្នុងផ្ទះ និងវិក្កយបត្រប្រចាំខែ។ កត់ត្រាការចំណាយរបស់យើងដោយសរសេរដោយប្រើខ្មៅដៃលើក្រដាស ឬក្នុងសៀវភៅបញ្ជីសាមញ្ញ។ នៅពេលដែលយើងមានទិន្នន័យគ្រប់គ្រាន់ហើយ បូកសរុបដើម្បីរៀបចំចំនួនទឹកប្រាក់ដើម្បីទុកប្រើប្រាស់ទៅលើរបស់អស់ទាំងនោះ។ ២.ដាក់ប្រាក់សន្សំទៅក្នុងកញ្ចប់ថវិកាចំណាយ៖ បន្ទាប់ពីយើងបានដឹងពីអ្វីដែលយើងចំណាយក្នុងមួយខែៗរួចហើយ យើងអាចចាប់ផ្ដើមបង្កើតកញ្ចប់ថវិកាមួយសម្រាប់ការចំណាយ ហើយដាក់លុយសន្សំទៅក្នុងកញ្ចប់ថវិកានោះ។ កញ្ចប់ថវិកាដែលយើងបង្កើតឡើងគួរតែបង្ហាញពីការចំណាយទាក់ទងនឹងប្រាក់ចំណូលរបស់យើង ដូច្នេះយើងអាចរៀបចំផែនការចំណាយ និងកំណត់ការចំណាយលើស។ បន្ទាប់មករក្សាលុយដែលយើងចង់សន្សំដំបូងឱ្យបាន នោះយើងនឹងមានអារម្មណ៍រីករាយ និងចង់បន្តការសន្សំទៀត។

(ភ្នំពេញ)៖ ក្នុងឆ្នាំ២០២១ ចំនួននៃការធ្វើប្រតិបត្តិការទូទាត់ក្នុងទម្រង់ឌីជីថលមានរហូតដល់ទៅ ៦៩៨,៨លានប្រតិបត្តិការ នេះបើយោងតាម ឯកឧត្តមបណ្ឌិត គង់ ម៉ារី អនុរដ្ឋលេខាធិការនៃក្រសួងសេដ្ឋកិច្ច និង ហិរញ្ញវត្ថុ និងជាអគ្គលេខាធិការ នៃអគ្គលេខាធិការដ្ឋានគណៈកម្មាធិការសេដ្ឋកិច្ចនិងធុរកិច្ចឌីជីថល បានថ្លែងក្នុងសុន្ទរកថាបិទ វេទិកាបច្ចេកវិទ្យាហិរញ្ញវត្ថុនៃពិព័រណ៍បច្ចេកវិទ្យាកម្ពុជា ២០២២។ ឯកឧត្តមបណ្ឌិត គង់ ម៉ារី បានគូសរំលេចបន្ថែមលើចំណុចមួយចំនួន ក្នុងនោះឯកឧត្តមបណ្ឌិត បានលើកឡើងអំពីបច្ចេកវិទ្យាហិរញ្ញវត្ថុក្នុងវិស័យធនាគារនៅកម្ពុជា។ «ជាការកត់សម្គាល់ នៅក្នុងវិស័យហិរញ្ញវត្ថុធនាគារ ការប្រើប្រាស់ប្រព័ន្ធទូទាត់សងប្រាក់តាមប្រព័ន្ធអេឡិចត្រូនិកបាននិងកំពុងបន្តកើនឡើង តាមរយៈកំណើននៃចំនួនគណនីប្រាក់បញ្ញើ, គណនីកាបូបអេឡិចត្រូនិក (E-Wallet) និងបណ្ណទូទាត់ គួបផ្សំនឹងការបន្តធ្វើទំនើបកម្មហេដ្ឋារចនាសម្ព័ន្ធប្រព័ន្ធទូទាត់សងប្រាក់ ដើម្បីធានានូវអន្តរប្រតិបត្តិការទូទាត់ឆ្លងគ្រឹះស្ថានហិរញ្ញវត្ថុឱ្យកាន់តែមានភាពទូលំទូលាយ។ ក្នុងនោះផងដែលជាក់ស្តែង ផ្អែកតាមរបាយការណ៍របស់ធនាគារជាតិនៃកម្ពុជា, ក្នុងឆ្នាំ

(ភ្នំពេញ)៖ រដ្ឋាភិបាលជប៉ុន បានអនុម័តថវិកាគម្រោងថ្មីសម្រាប់ការសាងសង់ឃ្លាំងកសិកម្មនៅកម្ពុជា។ យោងតាមសេចក្តីប្រកាសព័ត៌មានរបស់ស្ថានទូតជប៉ុនប្រចាំនៅកម្ពុជានៅព្រឹកថ្ងៃទី០១ ខែវិច្ឆិកា ឆ្នាំ២០២២នេះ រដ្ឋាភិបាលជប៉ុនបានអនុម័តថវិកាគម្រោងថ្មី ដែលស្មើនឹង៤១,៥៦៨.៥៣ដុល្លារអាមេរិក ពីមូលនិធិសមភាគីសម្រាប់ការអនុវត្ត «គម្រោងសន្តិសុខស្បៀងសម្រាប់កសិករក្រីក្រ»។ ស្ថានទូតជប៉ុនបន្តថា គម្រោងនេះនឹងទាក់ទងទៅនឹងការសាងសង់ឃ្លាំងកសិកម្មចំនួនពីរក្នុងខេត្តកំពង់ឆ្នាំង និងខេត្តត្បូងឃ្មុំ។ ឃ្លាំង​នេះ​នឹងអនុញ្ញាតឱ្យមានការរក្សាទុកពូជស្រូវបានត្រឹមត្រូវ ដែលនឹងធានាបាននូវគុណភាពខ្ពស់ និងពូជដែលផលិតក្នុងស្រុកឱ្យមានសម្រាប់កសិករកម្ពុជា។ ស្ថានទូតជប៉ុន បានមានប្រសាសន៍ថា «យើងសង្ឃឹមយ៉ាងមុតមាំថា គម្រោងថ្មីនេះនឹងរួមចំណែកដល់ការបង្កើនផលិតភាពកសិកម្ម និងប្រាក់ចំណូលកាន់តែខ្ពស់សម្រាប់កសិករ»៕

(ភ្នំពេញ)៖ ផ្សារមូលបត្រកម្ពុជា បានចេញសេចក្តីប្រកាសព័ត៌មាន ដោយប្រកាសថា វិនិយោគិនថ្មី ជាង២ពាន់នាក់ បានស្នើបើកគណនីជួញដូរភាគហ៊ុន នៅកំឡុងពេល ៣ថ្ងៃ នៃពិព័រណ៍ផ្សារភាគហ៊ុនកម្ពុជា My First Stock ឆ្នាំ ២០២២ ដែលស្មើនឹងបរិមាណនៃការបើកគណនីរយៈពេល ៧ខែ។ ឯកឧត្តម ហុង សុហួរ ប្រតិភូរាជរដ្ឋាភិបាលទទួលបន្ទុកជាអគ្គនាយកផ្សារមូលបត្រកម្ពុជា មានប្រសាសន៍ថា «ទីផ្សាររបស់យើងទទួលបានចំណាប់អារម្មណ៍ខ្លាំងជាងមុនដោយមានសាធារណជនជាច្រើនបានមកសួរព័ត៌មាននៅតាមស្តង់នានានិងបើកគណនីជួញដូរភ្លាមៗ នៅក្នុងពិព័រណ៍របស់យើង ដោយខុសពីលើកមុនៗដែលយើងត្រូវចេញទៅរកពួកគាត់។ ជាលទ្ធផល យើងទទួលបានការស្នើសុំលេខអត្តសញ្ញាណវិនិយោគិនថ្មី និងបើកគណនីជួញដូរជាង ២០០០គណនីថ្មី។បើធៀបនឹងចំនួនបើកគណនីជួញដូរប្រចាំខែ ដែលមានប្រមាណជាង៣០០គណនីក្នុងមួយខែ ដូចនេះក្នុងរយៈពេល៣ថ្ងៃនេះយើងបើកបានចំនួនប្រមាណស្មើនឹង៧ខែ។ ឯកឧត្តមបន្តថា ថ្លៃភាគហ៊ុនភាគច្រើននៅទីផ្សារយើងបច្ចុប្បន្នស្ទើរទាំងអស់កំពុងតែត្រូវបានជួញដូរក្នុងថ្លៃទាបដូចនេះវិនិយោគិនរបស់យើងអាចទិញបានភាគហ៊ុន ក្រុមហ៊ុនល្អៗក្នុងថ្លៃពិសេសដែលនេះក៏មកពីកត្តាទីផ្សារ

(ភ្នំពេញ)៖ នៅព្រឹកថ្ងៃទី១៩ ខែតុលា ឆ្នាំ២០២២នេះ សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា បានចេញសេចក្តីថ្លែងការណ៍រួមគ្នា ស្ដីពីការផ្តល់ការយោគយល់ និងអនុគ្រោះដល់អតិថិជន ដែលរងផលប៉ះពាល់ដោយសារទឹកជំនន់។ យោងតាមការប្រកាស គ្រឹះស្ថានធនាគារ និងហិរញ្ញវត្ថុ ដែលជាសមាជិករបស់សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា នឹងផ្តល់ការយោគយល់ និងអនុគ្រោះចំពោះអតិថិជនដែលរងផលប៉ះពាល់ជាក់ស្តែងដោយសារទឹកជំនន់ធ្ងន់ធ្ងរ តាមអនុសាសន៍របស់សម្តេចតេជោ ហ៊ុន សែន ដែលបានធ្វើឡើងកាលពីថ្ងៃទី១៧ ខែតុលា ឆ្នាំ២០២២។ ការផ្តល់ជូននេះនឹងត្រូវធ្វើឡើងស្របតាមស្មារតីអង្គប្រជុំរវាងសមាគមទាំងពីរ ជាមួយធនាគារជាតិនៃកម្ពុជា និងយោងតាមសេចក្តីជូនដំណឹងរបស់ធនាគារជាតិនៃកម្ពុជា លេខ ធ៧ ០២២.៨១៨ ស.ជ.ណ ចុះថ្ងៃទី១៨ ខែតុលា ឆ្នាំ២០២២។ ក្នុងស្មារតីនេះ

ស្រីលង្កា៖ ស្រីលង្កាគ្រោងនឹងឈប់បោះពុម្ពប្រាក់ជារូបិយប័ណ្ណជាតិរបស់ខ្លួនហើយ ក្រោយកម្រិតអតិផរណានៅក្នុងប្រទេសមួយនេះបានកើនឡើងរហូតដល់ ៦០% នេះបើយោងតាមការចុះផ្សាយរបស់បណ្តាញសារព័ត៌មាន Strait Times នៅថ្ងៃអង្គារ ទី៥ ខែកក្កដានេះ។​ នៅចំពោះមុខវិបត្តិអថិផរណាដ៏ធ្ងន់ធ្ងរនេះពលរដ្ឋស្រីលង្កាចំនួន ២២លាននាក់ ពុំមានលទ្ធភាពគ្រប់គ្រាន់សម្រាប់ទិញទំនិញនាំចូលសំខាន់ៗដូចជា ថ្នាំពេទ្យ ចំណីអាហារ សម្ភារៈប្រើប្រាស់ចាំបាច់ប្រចាំថ្ងៃ និងប្រេងឥន្ទនៈបាននោះទេ ខណៈទុនបម្រុងជាប្រាក់ដុល្លាររបស់រដ្ឋាភិបាលស្រីលង្កាក៏ត្រូវបានយកទៅប្រើប្រាស់ដើម្បីទិញប្រេងឥន្ទនៈពីបរទេសអស់ហើយដែរ។ ប្រភពខាងលើបានបន្តថា គិតក្នុងខែមិថុនានេះតម្លៃទំនិញនៅក្នុងប្រទេសស្រីលង្កាបានកើនឡើងក្នុងកម្រិត ៥៤,៦% ហើយបើប្រៀបធៀបទៅនឹងខែកន្លងមក ពោលគឺនៅក្នុងរយៈពេលមុនកើតមានវិបត្តិអតិផរណាតម្លៃនៃទំនិញបានកើនឡើងរហូតដល់ ១២៨%ឯណោះ។ ជាការឆ្លើយតបនឹងវិបត្តិសេដ្ឋកិច្ចធ្ងន់ធ្ងរមិនធ្លាប់មាននេះ លោកនាយករដ្ឋមន្ត្រីស្រីលង្កានៅថ្ងៃអង្គារ ទី៥ ខែកក្កដានេះបានប្រាប់ទៅកាន់សភាឲ្យត្រួតពិនិត្យគោលនយោបាយរូបិយវត្ថុឡើងវិញ និងគ្រោងនាំយកផែនការរៀបចំរចនាសម្ព័ន្ធបំណុលទៅបង្ហាញជូនស្ថាប័នមូលនិធិរូបិយវត្ថុអន្តរជាតិ (IMF) នៅចុងខែសីហានេះផងដែរ៕ អត្ថបទ៖ ភក្តី ប្រភព៖ Strait