ប្រមុខរាជរដ្ឋាភិបាលកម្ពុជា សម្ដេចអគ្គមហាសេនាបតីតេជោ ហ៊ុន សែន បានស្នើឱ្យក្រសួងមហាផ្ទៃ ជាពិសេសេសអគ្គនាយកដ្ឋានអន្ដោប្រវេសន៍ ដកបទបញ្ជាដែលហាមមិនឱ្យប្រជាពលរដ្ឋដឹកទំនិញចេញ-ចូល ពីកម្ពុជាទៅកាន់ប្រទេសជិតខាងនោះចេញជាបន្ទាន់។ ក្នុងសារជាសំឡេង នាថ្ងៃទី ២៤ ខែកម្ភៈ ឆ្នាំ២០២១ សម្ដេចតេជោមានប្រសាសន៍ថា កន្លងទៅយើងបានពង្រឹងការធ្វើចត្តាឡីស័កគ្រប់គ្រងការចេញ-ចូលរបស់ប្រជាជន ហើយយកគោលដៅច្បាស់លាស់ពង្រឹងការធ្វើចត្តាឡីស័កនៅតាមតំបន់ព្រំដែន ដើម្បីចៀសវាងការហូរចូលនៃជំងឺពីក្រៅប្រទេសចូលមកក្នុងប្រទេស។ ប៉ុន្តែចំពោះការដឹកទំនិញរកស៊ីជាមួយប្រទេសជិតខាងនៅតែបន្តធ្វើធម្មតា។ សម្ដេចតេជោថ្លែងឱ្យដឹងថា សម្ដេចទើបបានទទួលដំណឹងថា អគ្គនាយកដ្ឋានអន្តោប្រវេសន៍ មានដាក់បទបញ្ជានៅតាមខេត្តដែលនៅជាប់ព្រំដែនរវាងកម្ពុជា-ថៃ ជាពិសេសនៅច្រកខេត្តប៉ៃលិន ថាមិនឱ្យបងប្អូនខ្មែរយើងដឹកកសិផលទៅព្រំដែនថៃដូចពីមុនទៀតនោះទេ ដោយចាប់អនុវត្តន៍ពីថ្ងៃស្អែក ហើយរថយន្តរបស់ថៃបែរជាចូលមកក្នុងប្រទេសរបស់យើងវិញបាន។ សម្ដេចតេជោគូសបញ្ជាក់ថា “ប្រសិនបើយ៉ាងដូច្នេះ ខ្ញុំស្នើឱ្យក្រសួងមហាផ្ទៃ ក៏ដូចជាអគ្គនាយកដ្ឋានអន្តោប្រវេសន៍ ដកនូវបទបញ្ជានេះចេញវិញ ដើម្បីសម្រួលឱ្យប្រជាជននៅតាមព្រំដែនរកស៊ីធម្មតា ហើយមិនត្រឹមតែរកស៊ីធម្មតាទេ ដោយពេលនេះជារដូវកាលប្រមូលផលកសិកម្ម

កូរ៉េខាងត្បូងនឹងអនុញ្ញាតឱ្យពលករវៀតណាម និងជនជាតិបរទេសដទៃទៀតដែលមានកិច្ចសន្យាអនុញ្ញាតប្រព័ន្ធការងារ (EPS) ផុតកំណត់ ក្លាយជានិយោជិកតាមរដូវកាលរហូតដល់ឆ្នាំ២០២២ នេះបើយោងតាមការចុះផ្សាយរបស់សារព័ត៌មាន vnexpress។ មជ្ឈមណ្ឌលការងារក្រៅប្រទេសក្រោមក្រសួងការងារយុទ្ធជនពិការនិងសង្គមកិច្ចវៀតណាមបានឲ្យដឹងថា ការអនុញ្ញាតថ្មីនឹងអនុវត្តចំពោះពលករបរទេសទាំងអស់ក្រោមប្រព័ន្ធ (EPS) ដែលបានបញ្ចប់​កិច្ចសន្យារយៈពេល ៣ ឬ ៤ឆ្នាំ ដោយប្រើប្រាស់ទិដ្ឋការ E-9 (មិនមែន ការងារអាជីព)។ ជាមួយគ្នានេះមជ្ឈមណ្ឌលការងារក្រៅប្រទេសបានបន្តឲ្យដឹងថា ដោយសារតែមិនអាចត្រលប់មកប្រទេសកំណើតវិញបានព្រោះតែជំងឺរាតត្បាតកូវីដ-១៩ ពលករទាំងអស់នឹងត្រូវបានផ្ដល់ការអនុញ្ញាតឲ្យស្នាក់នៅបន្តដោយក្រសួងយុត្តិធម៌របស់កូរ៉េខាងត្បូង។ លើសពីនេទៅទៀតបើតាមមជ្ឈមណ្ឌល ក៏បានបញ្ជាក់ផងដែរថាកម្មវិធីការងារតាមរដូវកាលកំពុងជ្រើសរើសកម្មករកសិកម្មចំនួន ៤,១៧៩នាក់ សម្រាប់តំបន់ចំនួន ២៧ នៅទូទាំងប្រទេស និងប្រហែល ២០០ នាក់សម្រាប់វិស័យជលផលនៅក្នុងមូលដ្ឋានមួយ។ មជ្ឈមណ្ឌលបានបន្ថែមថា ការចុះឈ្មោះនឹងត្រូវបានផ្តល់ការងារចាប់ពីថ្ងៃទី ២ ខែមីនាឆ្នាំនេះរហូតដល់ថ្ងៃទី

យោងតាមសេចក្តីជូនដំណឹងរបស់ ក្រសួងកសិកម្ម រុក្ខាប្រមាញ់ និងនេសាទ ដែលបានចេញផ្សាយកាលពីពេលថ្មីៗនេះបានឱ្យដឹងថា តម្លៃផលិតផលកសិកម្ម រួមទាំងផ្លែស្វាយមានការប្រែប្រួលឡើងចុះមិនទៀងទាត់តាមរដូវកាល អាស្រ័យលើទំហំនៃការផ្គត់ផ្គង់ និងតម្រូវការទីផ្សារ។ ជាក់ស្តែង នាដើមឆ្នាំនេះ ផ្លែស្វាយមានតម្លៃល្អប្រសើរ ប៉ុន្តែចាប់ពីដើមខែកុម្ភៈមកទល់បច្ចុប្បន្ននេះ តម្លៃផ្លែស្វាយកំពុងមានការធ្លាក់ចុះ ដោយសារជារដូវកាលប្រមូលផលផ្លែស្វាយនៅកម្ពុជា និងនៅប្រទេសផ្សេងៗ ដែលបណ្តាលឱ្យមានបរិមាណ ផ្លែស្វាយជន់ច្រើនលើសលប់នៅលើទីផ្សារ ស្របពេលដែលសកម្មភាពសេដ្ឋកិច្ចទូទៅកំពុងស្ថិតនៅក្រោមឥទ្ធិពលអវិជ្ជមាន នៃការឆ្លងរីករាលដាលនៃជំងឺកូវីដ-១៩។ យោងតាមគេហទំព័រ www.globalprice.info បច្ចុប្បន្ន តម្លៃផ្លែស្វាយស្រស់ នៅ ប្រទេសចិន បានធ្លាក់ចុះមកត្រឹមពី ១ដុល្លារ១កាក់ ទៅ១ដុល្លារ២កាក់ ក្នុងមួយគីឡូក្រាមតែប៉ុណ្ណោះ។ ពាក់ព័ន្ធនឹងបញ្ហានេះក្រសួងកសិកម្ម រុក្ខាប្រមាញ់ និងនេសាទ បានអំពាវនាវអ្នកដាំដំណាំស្វាយ

យោងតាមការចុះផ្សាយរបស់សារព័ត៌មានជប៉ុន NHK កាលពីពេលថ្មីៗនេះបានឲ្យដឹងថា បាតុកម្មប្រឆាំងរដ្ឋប្រហារនៅក្នុងប្រទេសមីយ៉ាន់ម៉ា បានធ្វើឲ្យសេដ្ឋកិច្ចរបស់ប្រទេសនេះជាប់គាំងលែងដើរ​។ សារព័ត៌មានដដែលបានបន្តឲ្យដឹងថា បើតាមប្រព័ន្ធផ្សព្វផ្សាយក្នុងស្រុកបានរាយការណ៍ថា ប្រជាជននៅទូទាំងប្រទេសមីយ៉ាន់ម៉ាបានធ្វើកូដកម្មកាលពីថ្ងៃច័ន្ទ ដើម្បីតវ៉ានឹងរដ្ឋប្រហារយោធាកាលពីដើមខែនេះ ហើយមកទល់ពេលនេះមានមនុស្សរាប់លាននាក់បានចូលរួមធ្វើបាតុកម្ម។ ជាមួយគ្នានេះដែរការធ្វើបាតុកម្មនេះ ធ្វើឲ្យផ្សារទំនើបជាច្រើន ក៏ដូចជាផ្សារត្រីក្នុងស្រុក និងអ្នកលក់រាយនៅក្នុងទីក្រុង Yangon បានបិទទ្វារ។ លើសពីនេះទៅទៀត ទីក្រុងដ៏ធំមួយនេះត្រូវបានជាប់គាំងផ្នែកសេដ្ឋកិច្ច នៅពេលដែលរោងចក្រ ធនាគារ ផ្លូវដែក និងឡានក្រុង បានបញ្ឈប់ប្រតិបត្តិការរបស់ពួកគេ។ គួរ​បញ្ជាក់ផងដែរថា ប្រជាជនមីយ៉ាន់ម៉ាបានធ្វើបាតុកម្មនៅទូទាំងប្រទេស ដោយយោងតាមរបាយការណ៍ប្រព័ន្ធផ្សព្វផ្សាយបាននិយាយថា វាជាការតវ៉ាធំបំផុតចាប់តាំងពីយោធាបានឃុំខ្លួនលោកស្រីអ៊ុង សានស៊ូជី និងសមាជិកជាន់ខ្ពស់នៃគណបក្សកាន់អំណាច ហើយបានប្រកាសអាសន្ននៅថ្ងៃទី ១ ខែកុម្ភៈ៕ T អត្ថបទ៖

យោងតាមការចុះផ្សាយរបស់ស្ថានទូតកម្ពុជាប្រចាំប្រទេស​ជប៉ុន បានឲ្យដឹងថា ក្រុមហ៊ុន Keiyo Plant Engineering Co., Ltd និងក្រុមហ៊ុន Kojimagumi Co., Ltd មានចំណាប់អារម្មណ៍ខ្លាំងក្នុងការវិនិយោគ លើការកែច្នៃសម្រាម ទៅជាថាមពលអគ្គិសនី និងជីកំប៉ុស នៅកម្ពុជា។ ចំណាប់អារម្មណ៍របស់ក្រុមហ៊ុនទាំងពីនេះ ត្រូវបានបង្ហាញនៅក្នុងជំនួបរវាងឯកឧត្តមឯកអគ្គរាជទូតកម្ពុជា ទទួលស្វាគមន៍ប្រធានក្រុមហ៊ុន Keiyo Plant Engineering Co., Ltd និងប្រធានក្រុមហ៊ុន Kojimagumi Co., Ltd កាលពីថ្ងៃទី២២ ខែកុម្ភៈ ឆ្នាំ២០២១ កន្លងទៅថ្មីៗនេះ។ សូមជម្រាបថា

រដ្ឋបាលខេត្តកណ្តាលបានឱ្យដឹងថា គម្រោងសាងសង់ព្រលានយន្តហោះអន្តរជាតិភ្នំពេញថ្មីស្ថិតក្នុងខេត្តកណ្តាល ភាគអាគ្នេយ៍នៃរាជធានីភ្នំពេញ កំពុងតែដំណើរការកំណត់ទីតំាង ដាំបង្គោល កំណត់ព្រំដី និងចុះបញ្ជីកម្មសិទ្ធិដីធ្លី ដើម្បីឈានទៅសម្រេចតាមផែនការដែលបានគ្រោងទុកនៅឆ្នាំ ២០២៣ ខាងមុខ ។ ថ្លែងក្នុងសន្និសីទសារព័ត៌មានស្ដីពី វឌ្ឍនភាពមូលដ្ឋានឃុំ សង្កាត់ និងទិសដៅការងារបន្ដខេត្ដកណ្តាល នៅព្រឹកថ្ងៃទី២២ ខែកុម្ភៈ នាទីស្តីការគណៈរដ្ឋមន្រ្តី ឯកឧត្តម ម៉ៅ ភិរុណ ប្រធានក្រុមប្រឹក្សាខេត្តកណ្តាល បានមានប្រសាសន៍ថា មកដល់ពេលនេះគម្រោងសាងសង់ព្រលានយន្ត ហោះអន្តរជាតិភ្នំពេញថ្មីនេះបាន ដំណើរការតាមផែនការនៅក្នុងការរៀបចំនិងអភិវឌ្ឍន៍ព្រលាន ដែលទំហំដីភាគច្រើនខាងគម្រោងបានទិញពីប្រជាពលរដ្ឋ និងមួយចំនួនទៀតជាដីសាធារណៈរបស់រដ្ឋ ខណៈពេលគម្រោងនេះមានទំហំផ្ទៃដី ២.៦០០ហិកតា ។ ឯកឧត្តមបន្តថា នៅក្នុងតំបន់ដែលគ្រោងសាងសង់ព្រលាន យន្តហោះ

អគ្គនាយកធនាគារអភិវឌ្ឍន៍ជនបទនិងកសិកម្ម(ARDB) បានជំរុញឱ្យវិស័យឯកជន ងាកមកចាប់អារម្មណ៍ លើការវិនិយោគផ្នែកកសិកម្ម លើជំនាញបណ្ដុះពូជនិងផលិតពូជ ដើម្បីជំរុញឱ្យវិស័យនេះមានការរីកចម្រើនបន្ថែមទៀត។ ឯកឧត្តម កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកធនាគារអភិវឌ្ឍន៍ជនបទ និងកសិកម្ម(ARDB) បានមានប្រសាសន៍ថា បច្ចុប្បន្ននេះប្រទេសកម្ពុជា កំពុងខ្វះអ្នកជំនាញផ្នែកកសិកម្ម ដែលផ្ដោតលើអ្នកជំនាញបណ្ដុះពូជ និង ផលិត គ្រាប់ពូជដំណាំផ្សេងៗ ដើម្បីចែកចាយបន្ដឱ្យប្រជាកសិករក្នុងការធ្វើកសិកម្ម ខណៈដែលសព្វថ្ងៃបើប្រជាកសិករត្រូវការ គ្រាប់ពូជដែលមានគុណភាពត្រូវទិញផលិតផលទាំងនោះពីក្រៅប្រទេស ។ ឯកឧត្តម បន្តថា ជំនាញនេះនឹងផ្តល់ឱកាសដល់វិស័យឯកជនសម្រាប់វិនិយោគ ដោយសារបច្ចុប្បន្ន ប្រជាកសិករកំពុង ប្រឈមនឹងការជ្រើសរើសគ្រាប់ពូជមិនត្រឹមត្រូវ ដែលបង្កបង្កើនផលមិនទទួលបានផលសមប្រកប ។ ឯកឧត្តម បានបន្ថែមទៀតថា ជំនាញបណ្ដុះពូជ និងផលិតគ្រាប់ពូជដំណាំផ្សេងៗ

រដ្ឋាភិបាលជប៉ុនបានរកឃើញថា យ៉ាងហោចណាស់មាននិស្សិតមហាវិទ្យាល័យចំនួន ៥,៨០០នាក់ បានបោះបង់ចោលការសិក្សា និងផ្អាករៀនបណ្ដោះអាសន្ន ដោយសារតែការរីករាលដាលនៃវីរុស Covid-19​ ក្នុងចន្លោះខែមេសា និងខែធ្នូឆ្នាំមុន។ តួលេខនេះ ត្រូវបានរកឃើញតាមរយៈការស្ទង់មតិរបស់​ក្រសួងអប់រំលើឆ្នាំសិក្សាទី៤ នៃសាកលវិទ្យាល័យ និងវិទ្យាល័យ រួមទាំងអនុវិទ្យាល័យ នៅទូទាំងប្រទេសជប៉ុន ប្រហែលជា ៩៥% ឬស្មើ ១,០០៩ សាលារៀនដែលបានឆ្លើយតប។ ប្រភពដដែលបានឲ្យដឹងថា ការរីករាលដាលនៃវីរុស Covid-19 ត្រូវបានគេលើកឡើងថា ជាហេតុផលមួយក្នុងចំណោមហេតុផលចម្បងដែលធ្វើឱ្យសិស្សចាកចេញពីសាលារៀន។ បើតាមការស្ទង់មតិបា​នរកឃើញថា មានសិស្សចំនួន ១,៣៦៧ នាក់បានចាកចេញពីសាលារៀនជាអចិន្ត្រៃយ៍ ខណៈពេលដែលមានមនុស្ស ៤,៤៣៤ នាក់បានសម្រាកជាបណ្ដោះអាសន្នដោយសារជំងឺរាតត្បាត។ ជារួមនិស្សិតចំនួន ២៨,៦៤៧

រដ្ឋាភិបាលជប៉ុនកំពុងផ្តល់ថវិកាចំនួន ២លានដុល្លារអាមេរិក ដល់កម្មវិធីស្បៀងអាហារពិភពលោករបស់អង្គការសហប្រជាជាតិ (WFP) ដើម្បីកាត់បន្ថយផលប៉ះពាល់នៃទឹកជំនន់ទៅលើសន្តិសុខស្បៀងរបស់គ្រួសារនិងសហគមន៍ដែលរងគ្រោះដោយទឹកជំនន់នៅកម្ពុជា។ យោងតាមសេចក្តីប្រកាសព័ត៌មានរបស់ AKP ដែលទទួលបាននៅព្រឹកថ្ងៃនេះ កិច្ចព្រមព្រៀងផ្តល់ជំនួយត្រូវបានចុះហត្ថលេខានៅថ្ងៃទី២២ ខែកុម្ភៈ ឆ្នាំ២០២១ នេះ រវាងលោក MIKAMI Masahiro ឯកអគ្គរដ្ឋទូតជប៉ុនប្រចាំនៅកម្ពុជា និងលោកស្រី Claire CONAN តំណាង WFP និងជានាយកប្រចាំប្រទេសក្រោមអធិបតីភាព និងជាសាក្សី ដោយឯកឧត្តម ង៉ាន់ ចំរើន រដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការជាតិលេខាធិការដ្ឋានអភិវឌ្ឍន៍ប្រជាធិបតេយ្យថ្នាក់ក្រោមជាតិ (NCDD)។ ក្នុងឱកាសនោះ ឯកឧត្តម ឯកអគ្គរដ្ឋទូតជប៉ុនប្រចាំនៅកម្ពុជា បានមានប្រសាសនថា៖ «កាលពីឆ្នាំមុនប្រទេសកម្ពុជាបានទទួលរងនូវការធ្លាក់ភ្លៀង

ប្រជាពលរដ្ឋក្នុងក្រុងព្រះសីហនុសប្បាយរីករាយដោយមានផ្លូវធ្វើដំណើរងាយ ស្រួលជាងមុន បន្ទាប់ពីគម្រោងអភិវឌ្ឍន៍ផ្លូវទំាង៣៤ខ្សែក្នុងខេត្តព្រះសីហនុស្ថាបនាជិតរួចរាល់ដែលបានប្រែមុខមាត់ខេត្តឱ្យកាន់តែស្រស់ស្អាតមានភ្ញៀវទេសចរមកលេងកម្សាន្តកាន់តែច្រើន។ លោកលឹម ជា ប្រជាពលរដ្ឋរស់នៅក្រុងព្រះសីហនុ បានបង្ហាញនូវ អារម្មណ៍សប្បាយ រីករាយជាខ្លំាងដោយសារតែខេត្តនេះមិនត្រឹមតែមានផ្លូវស្រស់ស្អាតងាយស្រួលក្នុងការធ្វើ ដំណើរប៉ុណ្ណោះទេ ថែមទំាង បានទទួលការអភិវឌ្ឍ និងវិនិយោគលើគ្រប់វិស័យ រួមមាន សំណង់អគារធំៗ មជ្ឈមណ្ឌលពាណិជ្ជកម្ម ក្លឹបកម្សាន្ត សណ្ឋាគារ ផ្ទះសំណាក់ ខុនដូរ ផ្សារទំនើប តំបន់សេដ្ឋកិច្ចពិសេស កំពង់ផែដឹកជញ្ជូនទំនិញតាមផ្លូវសមុទ្រ ដើម្បីបម្រើឱ្យវិស័យទេសចរណ៍និងធុរកិច្ចជាដើម។ ក្រុងព្រះសីហនុនឹងក្លាយជាទីក្រុងគំរូដំបូងគេ បន្ទាប់ពីស្ថាបនាផ្លូវទាំង៣៤ខ្សែរួចរាល់ ដែល មានសោភ័ណភាពល្អ បរិស្ថានល្អ និងមានភាពទាក់ទាញភ្ញៀវទេសចរជាតិ និងអន្តរជាតិឱ្យលេងកម្សាន្ត ជាពិសេសទាក់ទាញអ្នកវិនិយោគបានកាន់តែច្រើនផងដែរ ។ លោក