កាលពីពេលថ្មីៗនេះទស្សនាវដ្តី Forbes បានបង្ហាញចំណាត់ថ្នាក់តារាចម្រៀង ១០ រូបដែលរកចំណូលបានច្រើនជាងគេបំផុតក្នុងឆ្នាំ ២០១៩ នេះ។ តាមរយៈចំណាត់ថ្នាក់ក្រុមតារាចម្រៀងផ្អែកលើចំណូលមុនពេលគិតពន្ធចាប់ពីថ្ងៃទី១ ខែ​មិថុនា ឆ្នាំ ២០១៨ ដល់ថ្ងៃទី១ ខែមិថុនាឆ្នាំ ២០១៩ ដោយបានចងក្រងបញ្ជីឈ្មោះតារាចម្រៀងស្រីដូចជា៖

១. Taylor Swift បានឈរនៅកំពូលតារាងនៅឆ្នាំនេះ ដោយរកចំណូលបានចំនួន ១៨៥ លានដុល្លារ។

២. Beyoncé ជាប់ចំណាត់ថ្នាក់ទី២ ក្នុងតារាងចំណាត់ថ្នាក់ឆ្នាំ ២០១៩ ដោយរកចំណូលបាន ៨១ លានដុល្លារ។

៣. Rihanna ជាតារាស្រីដែលបានឡើងខ្ពស់គួរឲ្យកត់សម្គាល់នៅក្នុងចំណាត់ថ្នាក់នៅឆ្នាំនេះ នាងលោតពីចំណាត់ថ្នាក់ទី ៧ មកដល់លេខ ៣ ដោយរកចំណូលបាន ៦២ លានដុល្លារ។

៤. Katy Perry បានធ្លាក់ចុះពីចំណាត់ថ្នាក់ដំបូងមកដល់ចំណាត់ថ្នាក់ទី៤ នៅក្នុងឆ្នាំនេះ ដោយរកចំណូលបានចំនួន ៥៧.៥ លានដុល្លារ។

៥. Pink បានធ្លាក់ចុះមួយចំណាត់ថ្នាក់ប៉ុណ្ណោះនៅឆ្នាំនេះ ដោយឈរនៅលេខរៀងទី ៥ រកចំណូលបាន ៥៧ លានដុល្លារ។

៦. Ariana Grande នៅក្នុងឆ្នាំនេះ ទទួលបានចំណាត់ថា្នក់ទី ៦ បន្ទាប់ពីការចេញអាល់ប៊ុមទី៥ របស់នាងដែលមានចំណងជើងថា “Thank U Next,” រកចំណូលបាន ៤៨ លានដុល្លារ។

៧. Jennifer Lopez តារាចម្រៀងវ័យ ៥០ ឆ្នាំបានធ្លាក់ចំណាត់ពីទី ៦ មកចំណាត់ថ្នាក់ទី៧ ក្នុងឆ្នាំនេះ ដោយរកចំណូលបាន ៤៣ លានដុល្លារ។

៨. Lady Gaga ទោះបីជានាងបានទម្លាក់ពីចំណាត់ថ្នាក់ទី ៥ មកដល់លេខ ៨ ចាប់តាំងពីឆ្នាំមុនក៏ដោយ ប៉ុន្តែបទភ្លេងរបស់ខ្សែភាពយន្ត “A Star Is Born” គឺជាអាល់ប៊ុមលក់ដាច់បំផុតនៅសហរដ្ឋអាមេរិកក្នុងឆ្នាំ ២០១៩ ដោយឆ្នាំនេះ Lady Gaga រកចំណូលបាន ៣៩.៥ លានដុល្លារ។

៩. Celine Dion តារាចម្រៀងស្រីសញ្ជាតិកាណាដារូបនេះ ឈរនៅចំណាត់ទី៩ ក្នុងតារាឆ្នាំ​ ២០១៩ដោយរកចំណូលបាន​ ៣៧.៥ ដុល្លារ។

១០. Shakira ឈរនៅចំណាត់ទី១០ ក្នុងតារាងចំណាត់ថ្នាក់ឆ្នាំ២០១៩ បន្ទាប់ពីខកខានក្នុងការចេញអាល់ប៊ុម និងការប្រគុំតន្រ្តីនានាដោយសារជំងឺ បច្ចុប្បន្នតារាស្រីនប្រទេសកូឡុំប៊ីរូបនេះរកចំណូលបាន ៣៥ លានដុល្លារ៕

អត្ថបទ៖ លីនី