យោងតាមរបាយការណ៍ដែលចេញផ្សាយនៅលើគេហទំព័រហ្វេសប៊ុកផ្លូវការរបស់ក្រសួងសាធារណការ និងដឹកជញ្ជូនបានបង្ហាញថាក្នុងខែកញ្ញា ឆ្នាំ​ ២០១៩ នេះលេខាធិការដ្ឋានរបស់គណៈកម្មាធិការសម្របសម្រួលអចិន្រ្តៃយ៍ នៃគណៈកម្មាធិការដឹកនាំការត្រួតពិនិត្យយានយន្ត ចាប់បានរថយន្តដឹកទំនិញលើសទម្ងន់ចំនួន ៣៣៨គ្រឿង និងពិន័យជាទឹកប្រាក់សរុបបានចំនួន ៧២៦,៩៥០,០០០ រៀល។

ជាមួយគ្នានេះក្រសួងបានសង្កេតឃើញថាចំនួនរថយន្តដែលចាប់បានទាំងនេះមានការថយចុះចំនួន​ ០២ គ្រឿង បើប្រៀបធៀបទៅនឹងខែសីហា ដែលមានចំនួន ៣៤០ គ្រឿង ដោយការហាមឃាត់នេះបានធ្វើឡើងនៅតាមស្ថានីយទាំងក្នុងរាជធានី និងតាមបណ្ដាខេត្ត។ ខណៈដែលស្ថានីយ៍ក្នុងខេត្តពោធិ៍សាត់រថយ​ន្តផ្ទុកលើសទម្ងន់ដែលត្រូវបានហាមឃាត់មានរហូតដល់ ៨៧ គ្រឿង ច្រើនជាងស្ថានីយដទៃទៀត៕

អត្ថបទ៖ លីនី
ប្រភព៖ ក្រសួងសាធារណការ និងដឹកជញ្ជូន