បន្ទាប់ពីដំណាក់កាលទី១ត្រូវបានបញ្ចប់ប្រកបដោយភាពជោគជ័យ ដែលមានអគារលំនៅឋានសរុបចំនួន ៨២៨ យូនីត នោះ ទើបគម្រោងអភិវឌ្ឍអគារខុនដូ Urban Village ដែលជាគម្រោងទទួលបានពានរង្វាន់យ៉ាងច្រើននោះ បានបើកការសម្ពោធដំណាក់កាលទី២ របស់ខ្លួន កាលពីថ្ងៃទី ២ ខែតុលា កន្លងទៅថ្មីៗនេះ។
ដោយផ្តល់ជូននូវអគារលំនៅឋានដែលមានតំលៃសមរម្យ មានគុណភាពខ្ពស់ និងអគារពាណិជ្ជកម្មដ៏ល្អហើយនោះ គម្រោងអភិវឌ្ឍនេះគឺស្ថិតនៅទីតាំងភូមិសាស្ត្រដ៏ល្អឥតខ្ចោះ ដែលភ្ជាប់ទៅនឹងទេសភាពធម្មជាតិនៅកណ្តាលទីក្រុងដែលមានសការអភិវឌ្ឍន៍ខ្លាំង។
គម្រោងទី២របស់អគារខុនដូ Urban Village នេះគឺស្ថិតនៅលើផ្ទៃដីគម្រោងចំនួន ៧៦០ ០០០ ម៉ែត្រការ៉េ ដែលបញ្ចូលលក្ខណៈពិសេស និងទំនើបជាច្រើនជាមួយនឹងរបៀបរស់នៅលក្ខណៈសហគមន៍ មានទីតាំងស្ថិតនៅចន្លោះមហាវិថីសម្តេចហ៊ុនសែននិងផ្លូវជាតិលេខ ២ ជាតំបន់ដែលស្ថិតនៅក្នុងចំណោមតំបន់ដែលមានការអភិវឌ្ឍខ្លាំង និងឆាប់រហ័សបំផុតនៅក្នុងទីក្រុង ភ្នំពេញ។
បច្ចុប្បន្នវាគឺជាគម្រោងអគារខុនដូដែលមានតំលៃសមរម្យបំផុត ពោលគឺមានតម្លៃចាប់ពី ១៧០០ ដុល្លារ ក្នុង១ម៉ែត្រការ៉េ។ ជាមួយនឹងកម្ចីបានរហូតដល់៧០ ភាគរយ សម្រាប់រយៈពេល២៥ឆ្នាំ។
យូនីតទាំងអស់នៃតំណាក់កាលទី១ ត្រូវបានលក់អស់តែក្នុងរយៈពេល៩ ខែប៉ុណ្ណោះ ហើយចាប់ពីថ្ងៃនេះតទៅ យូនីតនៃតំណាក់កាលទី២ បានចាប់ផ្តើមលក់ហើយ។ ក្នុងចំណោមជាង ៨០០យូនីត គឺ៤០០យូនីតត្រូវបានលក់អស់រួចហើយ។ នេះបង្ហាញឲ្យឃើញអំពីទំនុកចិត្តរបស់អតិថិជន ដែលពួកគាត់មើលឃើញអំពីសក្តានុពលរបស់ Urban Village។
ដើម្បីបង្ហាញពីភាពជោគជ័យរបស់ខ្លួន កាលពីខែឧសភាកន្លងទៅ អគារខុនដូ Urban Village គឺជាគម្រោងអគារខុនដូតែមួយគត់នៅកម្ពុជាដែលបានឈ្នះពានរង្វាន់ចំនួន ៥ ក្នុងពេលតែ មួយ។
ពានរង្វាន់ទាំង ៥ នោះរួមមាន ពានរង្វាន់ The Best Condo Development (Cambodia) ពានរង្វាន់ The Best Condo Development (Phnom Penh) ពានរង្វាន់ Best Condo Landscape Architectural design ពានរង្វាន់ Best Condo Architectural Design និងពានរង្វាន់ Best Condo Interior Design ដែលផ្តល់ជូនដោយ ក្រុមហ៊ុនអចលនទ្រព្យ Asia Property Guru ដែលមានមូលដ្ឋាននៅប្រទេស សិង្ហបុរី។
លោក ស្រី Catherin Chan និងលោក Ben Li នាយកប្រតិបត្តិក្រុមហ៊ុន Urban Hub បានថ្លែងថា៖« «យើងជាក្រុមហ៊ុនអន្តរជាតិ ផ្តោតសំខាន់ចំពោះអតិថិជនរបស់យើង និងចង់បង្កើតសហគមន៍ពិតប្រាកដ និងរស់រវើក។ នេះគឺជាចំណុចដ៏សំខាន់ ហើយប្រធានបទរបស់យើងគឺ រស់នៅ ធ្វើការ និងកម្សាន្ត»។
លោក Nelson Li ប្រធានភ្នាក់ងារអចលទ្រព្យហុងកុង លោក Henry Cheung ប្រធានក្រុមហ៊ុន Overseas Property Alliance សម្រាប់តំបន់ Greater China Business និងលោក Johnny Chan ប្រធានក្រុមហ៊ុន Overseas Property Alliance បានបង្ហញទស្សនៈស្រដៀងគ្នាថា ជាទូទៅ គម្រោងនេះគឺមានលក្ខណៈពិសេសបំផុត ពីព្រោះក្រៅពីផ្តល់ជូននូវអគារលំនៅឋានដ៏ប្រណិត វាក៏ផ្តល់ជូននូវបរិយាកាសការងារប្រកបដោយភាពច្នៃប្រឌិតខ្ពស់ ដូចជា EMQ (ការវាស់ស្ទង់សេដ្ឋកិច្ចនិងគុណភាព) និងជាកន្លែងសម្រាប់ចាប់ផ្តើមអាជីវកម្ម។
ចំពោះតំណាក់កាលទី២ នេះគឺមានចំនួន៤ អគារ ដែលអគារនិមួយៗមាន៥១ជាន់ លើផ្ទៃដី សរុបចំនួន ៧៦ ០០០ ម៉ែត្រការ៉េ ខណៈអគារលំនៅឋានមានទំហំ ១២ ០០០ ម៉ែត្រការ៉េនិងមានកម្ពស់ ១៥០ ម៉ែត្រ សរុបចំនួន ១៧០០ យូនីត នឹងមានទំហំចាប់ពី ៤៨ រហូតដល់ ១០៧ ម៉ែត្រការ៉េ ដែលគ្រោងនឹងបញ្ចប់នៅ ខែកញ្ញា ឆ្នាំ២០២២។
បីជាន់ដំបូងគឺជាផ្សារទំនើប និងចំណតរថយន្ត។ ជាន់ទី៤ គឺសួនច្បារ ហើយចាប់ពីជាន់ទី៥ រហូតដល់ជាន់ទី៥១ គឺអគារខុនដូ និងអគារប្រភេទ Loft ។
ទាក់ទងនឹងកត្តាសុវត្ថិភាព បរិវេណអគារខុនដូនេះត្រូវបានបំពាក់ដោយប្រព័ន្ធសន្តិសុខទំនើបបំផុត ដែលមានការត្រួតពិនិត្យ២៤ម៉ោងលើ២៤ម៉ោង សម្រាប់ផ្តល់សុន្តិសុខខ្ពស់បំផុតដល់ប្រជាពលរដ្ឋដែលរស់នៅ។
អគារខុនដូដ៏ប្រណិតនេះ ត្រូវបានរចនាឡើងសម្រាប់ការរស់នៅ និងកម្សាន្ត ហើយ ៤៥ ភាគរយនៃផ្ទៃដីសរុបនៃគម្រោងនេះត្រូវបានរក្សាទុកជាកន្លែងបៃតង។ ដែលធ្វើឱ្យវាក្លាយជាកន្លែងសម្រាក និងកម្សាន្តដ៏មានផាសុកភាព សម្រាប់សហគមន៍។
សម្រាប់ទីធ្លាសាធារណៈមានទំហំធំទូលាយ មានសុវត្ថិភាពនិងផាសុកភាពសម្រាប់អ្នករស់នៅជាពិសេសសសម្រាប់សកម្មភាពកម្សាន្តផ្សេងៗ។
លោក Takatoshi Kojima ប្រធានភ្នាក់ងារអចនទ្រព្យជប៉ុនបានប្រាប់ភ្នំពេញប៉ុស្ដិ៍ នៅឯពិធីសម្ពោធគម្រោង Urban Village ដំណាក់កាលទី ២ កាលពីថ្ងៃទី២តុលាថា៖« Urban Village ដំណាក់កាលទី២នេះ គឺជាអចនទ្រព្យដ៏អស្ចារ្យ ហើយលោកមានទំនុកចិត្តខ្ពស់ថាវានឹងអាចទាក់ទាញជនជាតិ ជប៉ុនបានច្រើន ដោយសារតែការរចនារបស់វាមានលក្ខណៈពិសេសខ្លាំង ដូចជាការរចនា យូនីតប្រភេទ Loft ដែលអតិថិជនមានជម្រើសច្រើន ដូចជាបន្ទប់ប្រភេទស្ទូឌីយោ ប្រភេទ បន្ទប់គេង ១,២ និង ៣ ហើយច្បាស់ណាស់វានឹងអាចលក់ដាច់នៅទីផ្សារជប៉ុន»។
ផ្នែកដ៏អស្ទារ្យមួយទៀតនៃគម្រោងនេះគឺមជ្ឈមណ្ឌលច្នៃប្រឌិត Factory Phnom ដែលមានភាពរស់រវើក នឹងមានទីតាំងស្ថិតនៅជាប់នឹងគម្រោងខុនដូនេះផ្ទាល់តែម្តង។
លោក Li និង អ្នកស្រី Chan បន្តថា៖«វាជាមជ្ឈមណ្ឌលច្នៃប្រឌិតធំជាងគេនៅតំបន់អាស៊ីអាគ្នេយ៍ និងជាកន្លែងធ្វើការរួមធំជាងគេនៅកម្ពុជា។ ក្រៅពីនេះ វាក៏មានវិចិត្រសាលសិល្បៈធំជាងគេ និងកន្លែងកម្សាន្ត និងជាកន្លែងផលិតស្រាអល្លឺម៉ង់ដោយដៃដំបូងគេផងដែរ»។
មជ្ឈមណ្ឌល Factory Phnom Penh នេះ ក៏មានការិយាល័យ សាលាមតេយ្យ កន្លែងប្រារព្ធពិធីផ្សេងៗ កន្លែងជប់លៀង កន្លែងហាត់ប្រាណបែបប្រេស៊ីល ហាងកាហ្វេ ភោជនីយដ្ឋាន ហាងលក់ទំនិញ ស្ទូឌីយ៉ូថតរូប សួនកុមារសម្រាប់កុមារ កន្លែងកំសាន្តបែបបច្ចេកវិទ្យាកន្លែងច្នៃប្រឌិតទីលានជិះបន្ទះក្តារ ទីលានបាល់ទាត់ និងបណ្ណាល័យ ជាដើម។
លោកទាំងពីរបន្ថែមថា៖«មានក្រុមហ៊ុននិអង្គការអន្តរជាតិល្បីៗជាច្រើនបានមករៀបចំកម្មវិធីរបស់ពួកគេនៅទីនេះ ក្នុងនោះមានដូចជាអង្គការសហប្រជាជាតិ សភាពាណិជ្ជកម្មអឺរ៉ុប ក្រុមហ៊ុន Toyota ក្រុមហ៊ុន Smart ក្រុមហ៊ុន H&M និងធនាគារ May Bank ជាដើម។
កាលពីពេលថ្មីនេះ តារាបាល់ទាត់កម្ពុជា លោក ប្រាក់ មុន្នីឧត្តម ត្រូវបានតែងតាំងជាទូតសុឆ្ឆនៈ របស់ Urban Village ។
លោកស្រី Chan កោតសរសើរទេពកោសល្យរបស់លោកប្រាក់ មុន្នី ឧត្តម ពីព្រោះមហិច្ឆតាឈានទៅរកសក្តីស្រម៉ៃរបស់លោក គឺដូចគ្នាទៅនឹងមហិច្ឆតា នៃការចង់ពង្រឹងសក្តានុពលរបស់ Urban Village នៅកម្ពុជាដែរ។
លោកស្រីថ្លែងថា៖«ខ្ញុំសម្លឹងឃើញថា យើងមានក្តីប្រាថ្នាដូចគ្នា ហើយមុនីឧត្តមជាកីឡាករបាល់ទាត់ម្នាក់ដែលមានមហិច្ឆិតាដើម្បីទទួលបានជោគជ័យ គឺដូចគ្នាទៅនឹងគម្រោងអគការខុនដូ Urban Village ដែលយើងកំពុងធ្វើនៅទីនេះ ដើម្បីសម្រេចគោលដៅទាំអស់គ្នា»។
ដូច្នេះ អ្វីដែល Urban Village ខិតខំផ្តល់ដល់អតិថិជនគ្រប់រូបគឺបរិយាកាសពោពេញដោយផាសុកភាព សុវត្ថិភាព និងភាពរីករាយ៕