ត្រឹមរយៈពេល ៨ ខែប៉ុណ្ណោះ អតិរេកពាណិជ្ជកម្មរបស់ប្រទេសវៀតណាមនៅក្នុងឆ្នាំ ២០១៩ ឈានដល់ ៣.៤ ពាន់លានដុល្លារ ខ្ពស់ជាងឆ្នាំមុន ដែលមានត្រឹមតែ​ ២.៧៥ ពាន់លានដុល្លារ នេះបើយោងតាមរបាយការណ៍ការិយាល័យស្ថិតិទូទៅរបស់ប្រទេសវៀតណាម។ ក្នុងនោះផងដែរការនាំចេញសរុបបានកើនដល់ចំនួន ១៦៩.៩៨ ពាន់លានដុល្លារ ខណៈដែលការនាំចូលកើនដល់ ១៦៦.៥៨ ពាន់លានដុល្លារអាមេរិកផងដែរ។

បន្ថែមពីនេះទៅទៀតរបាយការណ៍ក៏បានបង្ហាញផងដែរថាការកើនឡើងអតិរេកពាណិជ្ជកម្មនេះភាគច្រើនទៅលើការនាំចេញទូរស័ព្ទ និងគ្រឿងបន្លាស់ ៣៣%​ គ្រឿងបង្គុំអគ្គិសនី និងកុំព្យូទ័រ ២១.៩% សម្លៀកបំពាក់ ២១.៧% ស្បែកជើង ១២% និងសម្ភារៈគ្រឿងយន្ត ១១.៣%។ ខណៈដែលការនាំចូលមានតែ ទូរស័ព្ទ និងគ្រឿងបន្លាស់ គ្រឿងបង្គុំអគ្គិសនី កុំព្យូទ័រ និងសម្ភារៈគ្រឿងយន្តតែប៉ុណ្ណោះ៕

អត្ថបទ៖ លីនី