និទានខ្លី៖ នៅពេលព្រឹកក្នុងរដូវរងារមួយ បុរសជាកសិករម្នាក់បានដើរកាត់ចំការរបស់គាត់ ភ្លាមៗនោះគាត់ក៏បានឃើញសត្វពស់មួយក្បាលនៅលើដីកំពុងតែជិតស្លាប់ដោយសារតែភាពត្រជាក់។ កសិករដឹងថាពស់គឺជាសត្វកាចសហាវ ដែលពិសរបស់វាអាចធ្វើឲ្យមនុស្សស្លាប់បាន តែគាត់នៅតែរើសវា មកអោបជាប់ដើមទ្រូងរបស់គាត់ ដើម្បីឲ្យវាកក់ក្ដៅអាចរស់ឡើងវិញ។

ភ្លាមៗនោះសត្វពស់បានរស់ឡើងវិញ ហើយនៅពេលដែលវាមានកម្លាំងគ្រប់គ្រាន់ វាក៏ចឹកបុរសដែលមានចិត្តល្អចំពោះវា។ ដោយដឹងថាខ្លួនជិតស្លាប់ នៅដង្ហើមចុងក្រោយបុរសកសិករក៏បាននិយាយទៅកាន់អ្នកដែលឈរនៅជុំវិញថា « រៀនពីវាសនារបស់ខ្ញុំ កុំអាណិតមនុស្សរមឹសគុណ » ។

ដំបូន្មាននៃរឿង៖ មនុស្សខ្លះមិនដែលផ្លាស់ប្ដូរចរឹកធម្មជាតិរបស់ខ្លួន ដោយគិតពីទង្វើល្អរបស់យើងជាមួយពួកគេទេ ដូច្នេះចូរប្រុងប្រយ័ត្ន និងព្យាយាមនៅឲ្យពីមនុស្សដែលគិតតែពីផលប្រយោជន៍ផ្ទាល់ខ្លួន៕

អត្ថបទ៖ លីនី​