លោក Li Ka Shing គឺជាបុរសមានជាងគេបំផុតនៅហុងកុងដែលមានទ្រព្យសម្បត្តិសុទ្ធ ២៨,៨ ពាន់លានដុល្លារ តាំងពីបោះបង់ការសិក្សានៅវិទ្យាល័យរហូតដល់ក្លាយជាមហាសេដ្ឋីដែលអាចរកប្រាក់បានរាប់ពាន់លានដោយខ្លួនឯង គឺគាត់ចាប់ផ្តើមពីចំណុចដ៏ទាបបំផុតនៅពេលគាត់ធំឡើងនៅប្រទេសចិន។ តាមរយៈដំណើរជិវីតរបស់ខ្លួន លោកបានផ្ដល់នូវមេរៀនជីវិតជាច្រើនអំពីរបៀបដែលសហគ្រិន និងអ្នកស្វែងរកជោគជ័យគួរចងចាំ និងអនុវត្ត៖

១.ទិញអាហារថ្ងៃត្រង់សម្រាប់មនុស្សដែលសំខាន់ជាងអ្នក៖ អ្នកត្រូវចងចាំជានិច្ចក្នុងការទិញអាហារថ្ងៃត្រង់សម្រាប់មនុស្សដែលមានចំណេះដឹងច្រើនជាងអ្នក មនុស្សដែលមានជាងអ្នក ឬមនុស្សដែលបានជួយអ្នកក្នុងអាជីពរបស់អ្នក។ ត្រូវប្រាកដថាអ្នកធ្វើដូច្នេះជារៀងរាល់ខែ ព្រោះបន្ទាប់ពីមួយឆ្នាំរង្វង់មិត្តរបស់អ្នកគួរតែបង្កើតតម្លៃយ៉ាងខ្លាំងសម្រាប់អ្នក។ កេរ្តិ៍ឈ្មោះឥទ្ធិពល និងតម្លៃបន្ថែមរបស់អ្នកនឹងត្រូវបានទទួលស្គាល់យ៉ាងច្បាស់ ហើយអ្នកក៏នឹងបង្កើនមុខមាត់របស់អ្នកដោយសារចិត្តល្អ និងសប្បុរសផងដែរ។

២.ធ្វើជាមនុស្សដែលចូលចិត្តមើលសៀវភៅ៖ នៅពេលអ្នកទិញសៀវភៅសូមអានវាដោយយកចិត្តទុកដាក់ហើយរៀនមេរៀន និងយុទ្ធសាស្ត្រដែលត្រូវបានបង្រៀននៅក្នុងសៀវភៅ។ នៅពេលអ្នកអានសៀវភៅនីមួយៗរួចហើយ ត្រូវប្រើវាជាការនិយាយរៀបរាប់ ដោយចែករំលែកជាមួយអ្នកដទៃអាចធ្វើឱ្យភាពជឿជាក់របស់អ្នកប្រសើរឡើង និងបង្កើនភាពស្និទ្ធស្នាល។

៣.​កុំចំណាយប្រាក់ដែលរកបានយ៉ាងលំបាកទៅលើសម្លៀកបំពាក់៖ ព្យាយាមទិញសម្លៀកបំពាក់និងស្បែកជើងតិចបំផុត ព្រោះអ្នកអាចទិញរបស់ទាំងអស់ដែលអ្នកចង់បាននៅពេលអ្នកមាន។ ផ្ទុយទៅវិញសន្សំប្រាក់របស់អ្នកហើយទិញអំណោយសម្រាប់មនុស្សជាទីស្រឡាញ់របស់អ្នកហើយប្រាប់ពួកគេពីផែនការ និងគោលដៅហិរញ្ញវត្ថុរបស់អ្នក។ អ្វីដែលកាន់តែពិសេសប្រាប់ពួកគេពីមូលហេតុដែលធ្វើឲ្យអ្នកអស្ចារ្យ ពីការប្រឹងប្រែងដើម្បីបំណងប្រថ្នា និងក្តីសុបិន្តរបស់អ្នក។

៤.ចាប់ផ្តើមរៀបចំផែនការ A.S.A.P.៖ ជីវិតអាចត្រូវបានរចនាឡើង ហើយអាជីពអាចត្រូវបានគ្រោងទុក និងសុភមង្គលអាចត្រូវបានរៀបចំ។ ដូច្នេះអ្នកគួរតែចាប់ផ្តើមរៀបចំផែនការឥឡូវនេះ នៅពេលអ្នកក្រសូមចំណាយពេលតិចនៅផ្ទះនិងពេលវេលាច្រើននៅខាងក្រៅ។ ផ្ទុយទៅវិញនៅពេលអ្នកមានចូរស្នាក់នៅផ្ទះកាន់តែច្រើនហើយចំណាយពេលតិចនៅខាងក្រៅ។ នេះគឺជាសិល្បៈនៃការរស់នៅ ពេលអ្នកក្រត្រូវចាយលុយអ្នកដទៃ ហើយពេលអ្នកមានលុយចាយលុយខ្លួនឯង ប៉ុន្តែមនុស្សជាច្រើនធ្វើផ្ទុយពីនេះ។

៥.កុំអនុញ្ញាតឱ្យភាពអត្មានិយមរបស់អ្នកគ្រប់គ្រងអ្នក៖ នៅពេលអ្នកក្រសូមធ្វើល្អចំពោះអ្នកដទៃ កុំគិតតែពីប្រយោជន៍ខ្លួនឯង។ នៅពេលអ្នកក្លាយជាអ្នកមានអ្នកត្រូវតែរៀនអោយអ្នកដទៃធ្វើល្អចំពោះអ្នក ហើយអ្នកត្រូវរៀនធ្វើល្អចំពោះខ្លួនអ្នកឱ្យកាន់តែច្រើន។ ប៉ុន្តែនៅពេលដែលអ្នកក្រអ្នកត្រូវបោះខ្លួនអ្នកចោលហើយទុកឱ្យមនុស្សប្រើប្រាស់អ្នក ដូច្នេះនៅពេលអ្នកក្លាយជាអ្នកមានអ្នកត្រូវតែថែរក្សាខ្លួនអ្នកឱ្យបានល្អហើយមិនត្រូវឱ្យមនុស្សងាយស្រួលប្រើអ្នកនោះទេ។ ទាំងនេះជាវិធីជីវិតដ៏ស្មុគស្មាញដែលមនុស្សជាច្រើនមិនយល់៕

អត្ថបទ៖ លីនី